Euripides, Iphigenia in Tauris, choral, antistrophe 1

(에우리피데스, Iphigenia in Tauris, choral, antistrophe 1)

Θέμιν δ’ ἐπεὶ γᾶσ ἰὼν παῖδ’ ἀπενάσσατο <Πυθῶνοσ> ἀπὸ ζαθέων χρηστηρίων, νύχια Χθὼν ἐτεκνώσατο φάσματ’ ὀ<νείρων>, οἳ πολέσιν μερόπων τά τε πρῶτα, τά τ’ ἔπειθ’, ὅσσα τ’ ἔμελλε τυχεῖν, ὕπνου κατὰ δνοφερὰσ γᾶσ εὐ‐ νὰσ ἔφραζον· Γαῖα δὲ τὰν μαντεῖον ἀφείλετο τι‐ μὰν Φοῖβον, φθόνῳ θυγατρόσ. ταχύπουσ δ’ ἐσ Ὄλυμπον ὁρ‐ μαθεὶσ ἄναξ χέρα παιδνὸν ἕλιξεν ἐκ Διὸσ θρόνων Πυθίων δόμων χθονίαν ἀφελεῖν μῆ‐ νιν θεᾶσ. νυχίουσ τ’ ἐνοπὰσ. γέλασε δ’, ὅτι τέκοσ ἄφαρ ἔβα πολύχρυσα θέλων λατρεύματα σχεῖν· ἐπὶ δ’ ἔσεισεν κόμαν, παῦσαι νυχίουσ ἐνοπάσ, ἀπὸ δ’ ἀλαθοσύναν νυκτωπὸν ἐξεῖλεν βροτῶν, καὶ τιμὰσ πάλιν θῆκε Λοξίᾳ, πολυάνορι δ’ ἐν ξενόεντι θρόνῳ θάρση βροτοῖσ θεσφάτων ἀοιδαῖσ.

일치하는 문장이 없습니다.

SEARCH

MENU NAVIGATION