Euripides, Iphigenia in Tauris, episode

(에우리피데스, Iphigenia in Tauris, episode)

ποῦ ’σθ’ ἡ πυλωρὸσ τῶνδε δωμάτων γυνὴ Ἑλληνίσ; ἤδη τῶν ξένων κατήρξατο; ἀδύτοισ ἐν ἁγνοῖσ σῶμα λάμπονται πυρί; ἥδ’ ἐστίν, ἥ σοι πάντ’, ἄναξ, ἐρεῖ σαφῶσ. ἐά· τί τόδε μεταίρεισ ἐξ ἀκινήτων βάθρων, Ἀγαμέμνονοσ παῖ, θεᾶσ ἄγαλμ’ ἐν ὠλέναισ; ἄναξ, ἔχ’ αὐτοῦ πόδα σὸν ἐν παραστάσιν. τί δ’ ἔστιν, Ἰφιγένεια, καινὸν ἐν δόμοισ; ἀπέπτυσ’· Ὁσίᾳ γὰρ δίδωμ’ ἔποσ τόδε. τί φροιμιάζῃ νεοχμόν; ἐξαύδα σαφῶσ. οὐ καθαρά μοι τὰ θύματ’ ἠγρεύσασθ’, ἄναξ. τί τοὐκδιδάξαν τοῦτό σ’; ἢ δόξαν λέγεισ; βρέτασ τὸ τῆσ θεοῦ πάλιν ἕδρασ ἀπεστράφη. αὐτόματον, ἤ νιν σεισμὸσ ἔστρεψε χθονόσ; αὐτόματον· ὄψιν δ’ ὀμμάτων ξυνήρμοσεν. ἡ δ’ αἰτία τίσ; ἦ τὸ τῶν ξένων μύσοσ; ἥδ’, οὐδὲν ἄλλο· δεινὰ γὰρ δεδράκατον. ἀλλ’ ἦ τιν’ ἔκανον βαρβάρων ἀκτῆσ ἔπι; οἰκεῖον ἦλθον τὸν φόνον κεκτημένοι. τίν’; εἰσ ἔρον γὰρ τοῦ μαθεῖν πεπτώκαμεν. μητέρα κατειργάσαντο κοινωνῷ ξίφει. Ἄπολλον, οὐδ’ ἐν βαρβάροισ ἔτλη τισ ἄν. πάσησ διωγμοῖσ ἠλάθησαν Ἑλλάδοσ. ἦ τῶνδ’ ἕκατι δῆτ’ ἄγαλμ’ ἔξω φέρεισ; σεμνόν γ’ ὑπ’ αἰθέρ’, ὡσ μεταστήσω φόνου. μίασμα δ’ ἔγνωσ τοῖν ξένοιν ποίῳ τρόπῳ; ἤλεγχον, ὡσ θεᾶσ βρέτασ ἀπεστράφη πάλιν. σοφήν σ’ ἔθρεψεν Ἑλλάσ, ὡσ ᾔσθου καλῶσ. καὶ μὴν καθεῖσαν δέλεαρ ἡδύ μοι φρενῶν. τῶν Ἀργόθεν τι φίλτρον ἀγγέλλοντέ σοι; τὸν μόνον Ὀρέστην ἐμὸν ἀδελφὸν εὐτυχεῖν. ὡσ δή σφε σῴσαισ ἡδοναῖσ ἀγγελμάτων. καὶ πατέρα γε ζῆν καὶ καλῶσ πράσσειν ἐμόν. σὺ δ’ ἐσ τὸ τῆσ θεοῦ γ’ ἐξένευσασ εἰκότωσ. πᾶσάν γε μισοῦσ’ Ἑλλάδ’, ἥ μ’ ἀπώλεσεν. τί δῆτα δρῶμεν, φράζε, τοῖν ξένοιν πέρι; τὸν νόμον ἀνάγκη τὸν προκείμενον σέβειν. οὔκουν ἐν ἔργῳ χέρνιβεσ ξίφοσ τε σόν; ἁγνοῖσ καθαρμοῖσ πρῶτά νιν νίψαι θέλω. πηγαῖσιν ὑδάτων ἢ θαλασσίᾳ δρόσῳ; θάλασσα κλύζει πάντα τἀνθρώπων κακά. ὁσιώτερον γοῦν τῇ θεῷ πέσοιεν ἄν. καὶ τἀμά γ’ οὕτω μᾶλλον ἂν καλῶσ ἔχοι. οὔκουν πρὸσ αὐτὸν ναὸν ἐκπίπτει κλύδων; ἐρημίασ δεῖ· καὶ γὰρ ἄλλα δράσομεν. ἄγ’ ἔνθα χρῄζεισ· οὐ φιλῶ τἄρρηθ’ ὁρᾶν. ἁγνιστέον μοι καὶ τὸ τῆσ θεοῦ βρέτασ. εἴπερ γε κηλὶσ ἔβαλέ νιν μητροκτόνοσ. οὐ γάρ ποτ’ ἄν νιν ἠράμην βάθρων ἄπο. δίκαιοσ ηὑσέβεια καὶ προμηθία.

일치하는 문장이 없습니다.

SEARCH

MENU NAVIGATION