Euripides, Iphigenia in Tauris, choral, antistrophe 2

λαμπροὺσ ἱπποδρόμουσ βαίην, ἔνθ’ εὐάλιον ἔρχεται πῦρ· οἰκείων δ’ ὑπὲρ θαλάμων πτέρυγασ ἐν νώτοισ ἁμοῖσ λήξαιμι θοάζουσα· χοροῖσ δ’ ἑσταίην, ὅθι καὶ παρθένοσ, εὐδοκίμων γάμων, παρὰ πόδ’ εἱλίσσουσα φίλασ ματρὸσ ἡλίκων θιάσουσ, χαρίτων εἰσ ἁμίλλασ, χαίτασ ἁβρόπλουτον ἔριν, ὀρνυμένα, πολυποίκιλα φάρεα καὶ πλοκάμουσ περιβαλλομένα γένυσιν ἐσκίαζον.