Euripides, Iphigenia in Tauris, choral, anapests 1:

(에우리피데스, Iphigenia in Tauris, choral, anapests 1:)

ἰὼ δμωαί, δυσθρηνήτοισ ὡσ θρήνοισ ἔγκειμαι, τᾶσ οὐκ εὐμούσου μολπᾶσ βοὰν ἀλύροισ ἐλέγοισ, αἰαῖ, αἰαῖ, κηδείοισ οἴκτοισιν· αἵ μοι συμβαίνουσ’ ἆται, σύγγονον ἁμὸν κατακλαιομένα ζωᾶσ, οἱάν <οἱάν> ἰδόμαν ὄψιν ὀνείρων νυκτόσ, τᾶσ ἐξῆλθ’ ὄρφνα. ὀλόμαν ὀλόμαν· οὐκ εἴσ’ οἶκοι πατρῷοι· οἴμοι <μοι> φροῦδοσ γέννα. φεῦ φεῦ τῶν Ἄργει μόχθων. ἰὼ δαῖμον, μόνον ὅσ με κασίγνητον συλᾷσ Αἴδᾳ πέμψασ, ᾧ τάσδε χοὰσ μέλλω κρατῆρά τε τὸν φθιμένων ὑδραίνειν γαίασ ἐν νώτοισ πηγάσ τ’ οὐρείων ἐκ μόσχων Βάκχου τ’ οἰνηρὰσ λοιβὰσ ξουθᾶν τε πόνημα μελισσᾶν, ἃ νεκροῖσ θελκτήρια κεῖται. ἀλλ’ ἔνδοσ μοι πάγχρυσον τεῦχοσ καὶ λοιβὰν Αἵδα. ὦ κατὰ γαίασ Ἀγαμεμνόνιον θάλοσ, ὡσ φθιμένῳ τάδε σοι πέμπω· δέξαι δ’· οὐ γὰρ πρὸσ τύμβον σοι ξανθὰν χαίταν, οὐ δάκρυ’ οἴσω. τηλόσε γὰρ δὴ σᾶσ ἀπενάσθην πατρίδοσ καὶ ἐμᾶσ, ἔνθα δοκήμασι κεῖμαι σφαχθεῖσ’ ἁ τλάμων.

일치하는 문장이 없습니다.

SEARCH

MENU NAVIGATION