Euripides, Iphigenia in Aulis, episode 3:

(에우리피데스, Iphigenia in Aulis, episode 3:)

εἰ μὲν τὸν Ὀρφέωσ εἶχον, ὦ πάτερ, λόγον, πείθειν ἐπᾴδουσ’, ὥσθ’ ὁμαρτεῖν μοι πέτρασ, κηλεῖν τε τοῖσ λόγοισιν οὓσ ἐβουλόμην, ἐνταῦθ’ ἂν ἦλθον· νῦν δέ, τἀπ’ ἐμοῦ σοφά, δάκρυα παρέξω· ταῦτα γὰρ δυναίμεθ’ ἄν. ἱκετηρίαν δὲ γόνασιν ἐξάπτω σέθεν τὸ σῶμα τοὐμόν, ὅπερ ἔτικτεν ἥδε σοι, μή μ’ ἀπολέσῃσ ἀώρον· ἡδὺ γὰρ τὸ φῶσ βλέπειν· τὰ δ’ ὑπὸ γῆσ μή μ’ ἰδεῖν ἀναγκάσῃσ. πρώτη σ’ ἐκάλεσα πατέρα καὶ σὺ παῖδ’ ἐμέ· πρώτη δὲ γόνασι σοῖσι σῶμα δοῦσ’ ἐμὸν φίλασ χάριτασ ἔδωκα κἀντεδεξάμην. λόγοσ δ’ ὁ μὲν σὸσ ἦν ὅδ’· Ἆρά σ’, ὦ τέκνον, εὐδαίμον’ ἀνδρὸσ ἐν δόμοισιν ὄψομαι, ζῶσάν τε καὶ θάλλουσαν ἀξίωσ ἐμοῦ; οὑμὸσ δ’ ὅδ’ ἦν αὖ περὶ σὸν ἐξαρτωμένησ γένειον, οὗ νῦν ἀντιλάζυμαι χερί· Τί δ’ ἆρ’ ἐγὼ σέ; πρέσβυν ἆρ’ ἐσδέξομαι ἐμῶν φίλαισιν ὑποδοχαῖσ δόμων, πάτερ, πόνων τιθηνοὺσ ἀποδιδοῦσά σοι τροφάσ; τούτων ἐγὼ μὲν τῶν λόγων μνήμην ἔχω, σὺ δ’ ἐπιλέλησαι, καί μ’ ἀποκτεῖναι θέλεισ. μή, πρόσ σε Πέλοποσ καὶ πρὸσ Ἀτρέωσ πατρὸσ καὶ τῆσδε μητρόσ, ἣ πρὶν ὠδίνουσ’ ἐμὲ νῦν δευτέραν ὠδῖνα τήνδε λαμβάνει. τί μοι μέτεστι τῶν Ἀλεξάνδρου γάμων Ἑλένησ τε; πόθεν ἦλθ’ ἐπ’ ὀλέθρῳ τὠμῷ, πάτερ; βλέψον πρὸσ ἡμᾶσ, ὄμμα δὸσ φίλημά τε, ἵν’ ἀλλὰ τοῦτο κατθανοῦσ’ ἔχω σέθεν μνημεῖον, ἢν μὴ τοῖσ ἐμοῖσ πεισθῇσ λόγοισ. ἀδελφέ, μικρὸσ μὲν σύ γ’ ἐπίκουροσ φίλοισ, ὅμωσ δὲ συνδάκρυσον, ἱκέτευσον πατρὸσ τὴν σὴν ἀδελφὴν μὴ θανεῖν· αἴσθημά τοι κἀν νηπίοισ γε τῶν κακῶν ἐγγίγνεται. ἰδοὺ σιωπῶν λίσσεταί σ’ ὅδ’, ὦ πάτερ. ἀλλ’ αἴδεσαί με καὶ κατοίκτιρον βίου. ναί, πρὸσ γενείου σ’ ἀντόμεσθα δύο φίλω· ὃ μὲν νεοσσόσ ἐστιν, ἣ δ’ ηὐξημένη. ἓν συντεμοῦσα πάντα νικήσω λόγον· τὸ φῶσ τόδ’ ἀνθρώποισιν ἥδιστον βλέπειν, τὰ νέρθε δ’ οὐδέν· μαίνεται δ’ ὃσ εὔχεται θανεῖν. κακῶσ ζῆν κρεῖσσον ἢ καλῶσ θανεῖν. ὦ τλῆμον Ἑλένη, διὰ σὲ καὶ τοὺσ σοὺσ γάμουσ ἀγὼν Ἀτρείδαισ καὶ τέκνοισ ἥκει μέγασ.

일치하는 문장이 없습니다.

SEARCH

MENU NAVIGATION