Euripides, Iphigenia in Aulis, episode 2:

(에우리피데스, Iphigenia in Aulis, episode 2:)

εἰε͂̔ν· θύσεισ δὲ παῖδ’, ἔνθα τίνασ εὐχὰσ ἐρεῖσ; τί σοι κατεύξῃ τἀγαθόν, σφάζων τέκνον; νόστον πονηρόν, οἴκοθέν γ’ αἰσχρῶσ ἰών; ἀλλ’ ἐμὲ δίκαιον ἀγαθὸν εὔχεσθαί τί σοι; οὔ τἄρ’ ἀσυνέτουσ τοὺσ θεοὺσ ἡγοίμεθ’ ἄν, εἰ τοῖσιν αὐθένταισιν εὖ φρονήσομεν; ἥκων δ’ ἂν Ἄργοσ προσπέσοισ τέκνοισι σοῖσ; ἀλλ’ οὐ θέμισ σοι. τίσ δὲ καὶ προσβλέψεται παίδων σ’, ἵν’ αὐτῶν προσέμενοσ κτάνῃσ τινά; ταῦτ’ ἦλθεσ ἤδη διὰ λόγων, ἢ σκῆπτρά σοι μόνον διαφέρειν καὶ στρατηλατεῖν μέλει; ὃν χρῆν δίκαιον λόγον ἐν Ἀργείοισ λέγειν· Βούλεσθ’, Ἀχαιοί, πλεῖν Φρυγῶν ἐπὶ χθόνα; κλῆρον τίθεσθε παῖδ’ ὅτου θανεῖν χρεών. ἐν ἴσῳ γὰρ ἦν τόδ’, ἀλλὰ μὴ σὲ ἐξαίρετον σφάγιον παρασχεῖν Δαναί̈δαισι παῖδα σήν, ἢ Μενέλεων πρὸ μητρὸσ Ἑρμιόνην κτανεῖν, οὗπερ τὸ πρᾶγμ’ ἦν. νῦν δ’ ἐγὼ μὲν ἡ τὸ σὸν σῴζουσα λέκτρον παιδὸσ ἐστερήσομαι, ἡ δ’ ἐξαμαρτοῦσ’, ὑπότροφον νεάνιδα Σπάρτῃ κομίζουσ’, εὐτυχὴσ γενήσεται. τούτων ἄμειψαί μ’ εἴ τι μὴ καλῶσ λέγω· εἰ δ’ εὖ λέλεκται, νῶι μὴ δή γε κτάνῃσ τὴν σήν τε κἀμὴν παῖδα, καὶ σώφρων ἔσῃ. πιθοῦ. τὸ γάρ τοι τέκνα συνσῴζειν καλόν, Ἀγάμεμνον· οὐδεὶσ πρὸσ τάδ’ ἀντερεῖ βροτῶν.

일치하는 문장이 없습니다.

SEARCH

MENU NAVIGATION