Euripides, Iphigenia in Aulis, choral, epode

σὲ δ’ ἐπὶ κάρα στέψουσι καλλικόμαν πλόκαμον Ἀργεῖοι, βαλιὰν ὥστε πετραίων ἀπ’ ἄντρων ἐλθοῦσαν ὀρέων μόσχον ἀκήρατον, βρότειον αἱμάσσοντεσ λαιμόν· οὐ σύριγγι τραφεῖσαν οὐδ’ ἐν ῥοιβδήσεσι βουκόλων, παρὰ δὲ ματέρι νυμφοκόμον Ἰναχίδαισ γάμον. ποῦ τὸ τᾶσ Αἰδοῦσ ἢ τὸ τᾶσ Ἀρετᾶσ ἔχει σθένειν τι πρόσωπον, ὁπότε τὸ μὲν ἄσεπτον ἔχει δύνασιν, ἁ δ’ Ἀρετὰ κατόπι‐ σθεν θνατοῖσ ἀμελεῖται, Ἀνομία δὲ νόμων κρατεῖ, καὶ <μὴ> κοινὸσ ἀγὼν βροτοῖσ μή τισ θεῶν φθόνοσ ἔλθῃ;