Euripides, Iphigenia in Aulis, choral, antistrophe 1

ἀνὰ δ’ ἐλάταισι στεφανώδει τε χλόᾳ θίασοσ ἔμολεν ἱπποβάτασ Κενταύρων ἐπὶ δαῖτα τὰν θεῶν κρατῆρά τε Βάκχου. μέγα δ’ ἀνέκλαγον· Ὦ Νηρηὶ κόρα, παῖδα σὲ Θεσσαλίᾳ μέγα φῶσ μάντισ ὁ φοιβάδα μοῦσαν εἰδὼσ γεννάσειν Χείρων ἐξονόμαζεν, ὃσ ἥξει χθόνα λογχήρεσι σὺν Μυρμιδόνων ἀσπισταῖσ Πριάμοιο κλεινὰν γαῖαν ἐκπυρώσων, περὶ σώματι χρυσέων ὅπλων Ἡφαιστοπόνων κεκορυθμένοσ ἔνδυτ’, ἐκ θεᾶσ ματρὸσ δωρήματ’ ἔχων Θέτιδοσ, ἅ νιν ἔτικτεν. μακάριον τότε δαίμονεσ τᾶσ εὐπάτριδοσ γάμον Νηρῄδων ἔθεσαν πρώτασ Πηλέωσ θ’ ὑμεναίουσ.