Euripides, Iphigenia in Aulis, episode, anapests 4:

(에우리피데스, Iphigenia in Aulis, episode, anapests 4:)

ἀλλ’ εὐτυχοίτην. τίνι δ’ ἐν ἡμέρᾳ γαμεῖ; ὅταν σελήνησ εὐτυχὴσ ἔλθῃ κύκλοσ. προτέλεια δ’ ἤδη παιδὸσ ἔσφαξασ θεᾷ; μέλλω· ’πὶ ταύτῃ καὶ καθέσταμεν τύχῃ. κἄπειτα δαίσεισ τοὺσ γάμουσ ἐσ ὕστερον; θύσασ γε θύμαθ’ ἃ ἐμὲ χρὴ θῦσαι θεοῖσ. ἡμεῖσ δὲ θοίνην ποῦ γυναιξὶ θήσομεν; ἐνθάδε παρ’ εὐπρύμνοισιν Ἀργείων πλάταισ. καλῶσ ἀναγκαίωσ τε· συνενέγκοι δ’ ὅμωσ. οἶσθ’ οὖν ὃ δρᾶσον, ὦ γύναι; πιθοῦ δέ μοι. τί χρῆμα; πείθεσθαι γὰρ εἴθισμαι σέθεν. ἡμεῖσ μὲν ἐνθάδ’, οὗπέρ ἐσθ’ ὁ νυμφίοσ. . . . μητρὸσ τί χωρὶσ δράσεθ’, ἃ ἐμὲ δρᾶν χρεών; ἐκδώσομεν σὴν παῖδα Δαναϊδῶν μέτα. ἡμᾶσ δὲ ποῦ χρὴ τηνικαῦτα τυγχάνειν; χώρει πρὸσ Ἄργοσ παρθένουσ τε τημέλει. λιποῦσα παῖδα; τίσ δ’ ἀνασχήσει φλόγα; ἐγὼ παρέξω φῶσ ὃ νυμφίοισ πρέπει. οὐχ ὁ νόμοσ οὗτοσ οὐδὲ φαῦλ’ ἡγητέα. οὐ καλὸν ἐν ὄχλῳ σ’ ἐξομιλεῖσθαι στρατοῦ. καλὸν τεκοῦσαν τἀμά μ’ ἐκδοῦναι τέκνα. καὶ τάσ γ’ ἐν οἴκῳ μὴ μόνασ εἶναι κόρασ. ὀχυροῖσι παρθενῶσι φρουροῦνται καλῶσ. πιθοῦ. μὰ τὴν ἄνασσαν Ἀργείαν θεάν. ἐλθὼν δὲ τἄξω πρᾶσσε, τἀν δόμοισ δ’ ἐγώ, ἃ χρὴ παρεῖναι νυμφίοισι παρθένοισ. οἴμοι· μάτην ᾖξ’, ἐλπίδοσ δ’ ἀπεσφάλην, ἐξ ὀμμάτων δάμαρτ’ ἀποστεῖλαι θέλων. σοφίζομαι δὲ κἀπὶ τοῖσι φιλτάτοισ τέχνασ πορίζω, πανταχῇ νικώμενοσ. ὅμωσ δὲ σὺν Κάλχαντι τῷ θυηπόλῳ κοινῇ τὸ τῆσ θεοῦ φίλον, ἐμοὶ δ’ οὐκ εὐτυχέσ, ἐξευπορήσων εἶμι, μόχθον Ἑλλάδοσ. χρὴ δ’ ἐν δόμοισιν ἄνδρα τὸν σοφὸν τρέφειν γυναῖκα χρηστὴν κἀγαθήν, ἢ μὴ τρέφειν.

일치하는 문장이 없습니다.

SEARCH

MENU NAVIGATION