Euripides, Iphigenia in Aulis, episode, anapests 3:

(에우리피데스, Iphigenia in Aulis, episode, anapests 3:)

ζηλῶ σὲ μᾶλλον ἢ ’μὲ τοῦ μηδὲν φρονεῖν. χώρει δὲ μελάθρων ἐντόσ ‐ ὀφθῆναι κόραισ πικρόν ‐ φίλημα δοῦσα δεξιάν τέ μοι, μέλλουσα δαρὸν πατρὸσ ἀποικήσειν χρόνον. ὦ στέρνα καὶ παρῇδεσ, ὦ ξανθαὶ κόμαι, ὡσ ἄχθοσ ὑμῖν ἐγένεθ’ ἡ Φρυγῶν πόλισ Ἑλένη τε. ‐ παύω τοὺσ λόγουσ· ταχεῖα γὰρ νοτὶσ διώκει μ’ ὀμμάτων ψαύσαντά σου. ἴθ’ ἐσ μέλαθρα. σὲ δὲ παραιτοῦμαι τάδε, Λήδασ γένεθλον, εἰ κατῳκτίσθην ἄγαν, μέλλων Ἀχιλλεῖ θυγατέρ’ ἐκδώσειν ἐμήν. ἀποστολαὶ γὰρ μακάριαι μέν, ἀλλ’ ὅμωσ δάκνουσι τοὺσ τεκόντασ, ὅταν ἄλλοισ δόμοισ παῖδασ παραδιδῷ πολλὰ μοχθήσασ πατήρ. οὐχ ὧδ’ ἀσύνετόσ εἰμι, πείσεσθαι δέ με καὐτὴν δόκει τάδ’, ὥστε μή σε νουθετεῖν, ὅταν σὺν ὑμεναίοισιν ἐξάγω κόρην· ἀλλ’ ὁ νόμοσ αὐτὰ τῷ χρόνῳ συνισχανεῖ. τοὔνομα μὲν οὖν παῖδ’ οἶδ’ ὅτῳ κατῄνεσασ, γένουσ δ’ ὁποίου χὡπόθεν, μαθεῖν θέλω. Αἴγινα θυγάτηρ ἐγένετ’ Ἀσωποῦ πατρόσ. ταύτην δὲ θνητῶν ἢ θεῶν ἔζευξε τίσ; Ζεύσ· Αἰακὸν δ’ ἔφυσεν, Οἰνώνησ πρόμον. τὰ δ’ Αἰακοῦ παῖσ τίσ κατέσχε δώματα; Πηλεύσ· ὁ Πηλεὺσ δ’ ἔσχε Νηρέωσ κόρην. θεοῦ διδόντοσ, ἢ βίᾳ θεῶν λαβών; Ζεὺσ ἠγγύησε καὶ δίδωσ’ ὁ κύριοσ. γαμεῖ δὲ ποῦ νιν; ἦ κατ’ οἶδμα πόντιον; Χείρων ἵν’ οἰκεῖ σεμνὰ Πηλίου βάθρα. οὗ φασι Κενταύρειον ᾠκίσθαι γένοσ; ἐνταῦθ’ ἔδαισαν Πηλέωσ γάμουσ θεοί. Θέτισ δ’ ἔθρεψεν ἢ πατὴρ Ἀχιλλέα; Χείρων, ἵν’ ἤθη μὴ μάθοι κακῶν βροτῶν. φεῦ· σοφόσ γ’ ὁ θρέψασ χὡ διδοὺσ σοφώτεροσ. τοιόσδε παιδὸσ σῆσ ἀνὴρ ἔσται πόσισ. οὐ μεμπτόσ. οἰκεῖ δ’ ἄστυ ποῖον Ἑλλάδοσ; Ἀπιδανὸν ἀμφὶ ποταμὸν ἐν Φθίασ ὁρ́οισ. ἐκεῖσ’ ἀπάξει σὴν ἐμήν τε παρθένον; κείνῳ μελήσει ταῦτα, τῷ κεκτημένῳ.

일치하는 문장이 없습니다.

SEARCH

MENU NAVIGATION