Euripides, Iphigenia in Aulis, episode, dialogue 3:

(에우리피데스, Iphigenia in Aulis, episode, dialogue 3:)

ἀδελφέ, δόσ μοι δεξιᾶσ τῆσ σῆσ θιγεῖν. δίδωμι· σὸν γὰρ τὸ κράτοσ, ἄθλιοσ δ’ ἐγώ. Πέλοπα κατόμνυμ’, ὃσ πατὴρ τοὐμοῦ πατρὸσ τοῦ σοῦ τ’ ἐκλήθη, τὸν τεκόντα τ’ Ἀτρέα, ἦ μὴν ἐρεῖν σοι τἀπὸ καρδίασ σαφῶσ καὶ μὴ ’πίτηδεσ μηδέν, ἀλλ’ ὅσον φρονῶ. ἐγώ σ’ ἀπ’ ὄσσων ἐκβαλόντ’ ἰδὼν δάκρυ ᾤκτιρα, καὐτὸσ ἀνταφῆκά σοι πάλιν καὶ τῶν παλαιῶν ἐξαφίσταμαι λόγων, οὐκ ἐσ σὲ δεινόσ· εἰμὶ δ’ οὗπερ εἶ σὺ νῦν· καί σοι παραινῶ μήτ’ ἀποκτείνειν τέκνον μήτ’ ἀνθελέσθαι τοὐμόν. οὐ γὰρ ἔνδικον σὲ μὲν στενάζειν, τἀμὰ δ’ ἡδέωσ ἔχειν, θνῄσκειν τε τοὺσ σούσ, τοὺσ δ’ ἐμοὺσ ὁρᾶν φάοσ. τί βούλομαι γάρ; οὐ γάμουσ ἐξαιρέτουσ ἄλλουσ λάβοιμ’ ἄν, εἰ γάμων ἱμείρομαι; ἀλλ’ ἀπολέσασ ἀδελφόν, ὅν μ’ ἥκιστα χρῆν, Ἑλένην ἕλωμαι, τὸ κακὸν ἀντὶ τἀγαθοῦ; ἄφρων νέοσ τ’ ἦ, πρὶν τὰ πράγματ’ ἐγγύθεν σκοπῶν ἐσεῖδον οἱο͂ν ἦν κτείνειν τέκνα. ἄλλωσ τέ μ’ ἔλεοσ τῆσ ταλαιπώρου κόρησ ἐσῆλθε, συγγένειαν ἐννοουμένῳ, ἣ τῶν ἐμῶν ἕκατι θύεσθαι γάμων μέλλει. τί δ’ Ἑλένησ παρθένῳ τῇ σῇ μέτα; ἴτω στρατεία διαλυθεῖσ’ ἐξ Αὐλίδοσ, σὺ δ’ ὄμμα παῦσαι δακρύοισ τέγγων τὸ σόν, ἀδελφέ, κἀμὲ παρακαλῶν ἐσ δάκρυα. εἰ δέ τι κόρησ σῆσ θεσφάτων μέτεστι σοί, μὴ ’μοὶ μετέστω· σοὶ νέμω τοὐμὸν μέροσ. ἀλλ’ ἐσ μεταβολὰσ ἦλθον ἀπὸ δεινῶν λόγων; εἰκὸσ πέπονθα· τὸν ὁμόθεν πεφυκότα στέργων μετέπεσον. ἀνδρὸσ οὐ κακοῦ τροπαὶ τοιαίδε, χρῆσθαι τοῖσι βελτίστοισ ἀεί. γενναῖ’ ἔλεξασ Ταντάλῳ τε τῷ Διὸσ πρέποντα· προγόνουσ οὐ καταισχύνεισ σέθεν.

일치하는 문장이 없습니다.

SEARCH

MENU NAVIGATION