헬라어 문장 검색 - ΕυριπίΙπηιγεν́03́2́3́

(에우리피데스, Iphigenia in Aulis, episode, dialogue 3:)

ἀδελφέ, δόσ μοι δεξιᾶσ τῆσ σῆσ θιγεῖν. δίδωμι· σὸν γὰρ τὸ κράτοσ, ἄθλιοσ δ’ ἐγώ. Πέλοπα κατόμνυμ’, ὃσ πατὴρ τοὐμοῦ πατρὸσ τοῦ σοῦ τ’ ἐκλήθη, τὸν τεκόντα τ’ Ἀτρέα, ἦ μὴν ἐρεῖν σοι τἀπὸ καρδίασ σαφῶσ καὶ μὴ ’πίτηδεσ μηδέν, ἀλλ’ ὅσον φρονῶ. ἐγώ σ’ ἀπ’ ὄσσων ἐκβαλόντ’ ἰδὼν δάκρυ ᾤκτιρα, καὐτὸσ ἀνταφῆκά σοι πάλιν καὶ τῶν παλαιῶν ἐξαφίσταμαι λόγων, οὐκ ἐσ σὲ δεινόσ· εἰμὶ δ’ οὗπερ εἶ σὺ νῦν· καί σοι παραινῶ μήτ’ ἀποκτείνειν τέκνον μήτ’ ἀνθελέσθαι τοὐμόν. οὐ γὰρ ἔνδικον σὲ μὲν στενάζειν, τἀμὰ δ’ ἡδέωσ ἔχειν, θνῄσκειν τε τοὺσ σούσ, τοὺσ δ’ ἐμοὺσ ὁρᾶν φάοσ. τί βούλομαι γάρ; οὐ γάμουσ ἐξαιρέτουσ ἄλλουσ λάβοιμ’ ἄν, εἰ γάμων ἱμείρομαι; ἀλλ’ ἀπολέσασ ἀδελφόν, ὅν μ’ ἥκιστα χρῆν, Ἑλένην ἕλωμαι, τὸ κακὸν ἀντὶ τἀγαθοῦ; ἄφρων νέοσ τ’ ἦ, πρὶν τὰ πράγματ’ ἐγγύθεν σκοπῶν ἐσεῖδον οἱο͂ν ἦν κτείνειν τέκνα. ἄλλωσ τέ μ’ ἔλεοσ τῆσ ταλαιπώρου κόρησ ἐσῆλθε, συγγένειαν ἐννοουμένῳ, ἣ τῶν ἐμῶν ἕκατι θύεσθαι γάμων μέλλει. τί δ’ Ἑλένησ παρθένῳ τῇ σῇ μέτα; ἴτω στρατεία διαλυθεῖσ’ ἐξ Αὐλίδοσ, σὺ δ’ ὄμμα παῦσαι δακρύοισ τέγγων τὸ σόν, ἀδελφέ, κἀμὲ παρακαλῶν ἐσ δάκρυα. εἰ δέ τι κόρησ σῆσ θεσφάτων μέτεστι σοί, μὴ ’μοὶ μετέστω· σοὶ νέμω τοὐμὸν μέροσ. ἀλλ’ ἐσ μεταβολὰσ ἦλθον ἀπὸ δεινῶν λόγων; εἰκὸσ πέπονθα· τὸν ὁμόθεν πεφυκότα στέργων μετέπεσον. ἀνδρὸσ οὐ κακοῦ τροπαὶ τοιαίδε, χρῆσθαι τοῖσι βελτίστοισ ἀεί. γενναῖ’ ἔλεξασ Ταντάλῳ τε τῷ Διὸσ πρέποντα· προγόνουσ οὐ καταισχύνεισ σέθεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Iphigenia in Aulis, episode, dialogue 3:

(에우리피데스, Iphigenia in Aulis, episode, dialogue 3:)

상위

목록

SEARCH

MENU NAVIGATION