Euripides, Iphigenia in Aulis, episode, dialogue 1:

(에우리피데스, Iphigenia in Aulis, episode, dialogue 1:)

οἵδ’ αὖ διάφοροι τῶν πάροσ λελεγμένων μύθων, καλῶσ δ’ ἔχουσι, φείδεσθαι τέκνων. αἰαῖ, φίλουσ ἄρ’ οὐχὶ κεκτήμην τάλασ. εἰ τοὺσ φίλουσ γε μὴ θέλεισ ἀπολλύναι. δείξεισ δὲ ποῦ μοι πατρὸσ ἐκ ταὐτοῦ γεγώσ; συνσωφρονεῖν σοι βούλομ’, ἀλλ’ οὐ συννοσεῖν. ἐσ κοινὸν ἀλγεῖν τοῖσ φίλοισι χρὴ φίλουσ. εὖ δρῶν παρακάλει μ’, ἀλλὰ μὴ λυπῶν ἐμέ. οὐκ ἄρα δοκεῖ σοι τάδε πονεῖν σὺν Ἑλλάδι; Ἑλλὰσ δὲ σὺν σοὶ κατὰ θεὸν νοσεῖ τινα. σκήπτρῳ νυν αὔχει, σὸν κασίγνητον προδούσ. ἐγὼ δ’ ἐπ’ ἄλλασ εἶμι μηχανάσ τινασ φίλουσ τ’ ἐπ’ ἄλλουσ ‐ ὦ Πανελλήνων ἄναξ, Ἀγάμεμνον, ἥκω παῖδά σοι τὴν σὴν ἄγων, ἣν Ἰφιγένειαν ὠνόμαζεσ ἐν δόμοισ. μήτηρ δ’ ὁμαρτεῖ, σῆσ Κλυταιμήστρασ δέμασ, καὶ παῖσ Ὀρέστησ, ὥσ τι τερφθείησ ἰδών, χρόνον παλαιὸν δωμάτων ἔκδημοσ ὤν. ἀλλ’ ὡσ μακρὰν ἔτεινον, εὔρυτον παρὰ κρήνην ἀναψύχουσι θηλύπουν βάσιν, αὐταί τε πῶλοί τ’· ἐσ δὲ λειμώνων χλόην καθεῖμεν αὐτάσ, ὡσ βορᾶσ γευσαίατο. ἐγὼ δὲ πρόδρομοσ σῆσ παρασκευῆσ χάριν ἥκω· πέπυσται γὰρ στρατόσ ‐ ταχεῖα γὰρ διῇξε φήμη ‐ παῖδα σὴν ἀφιγμένην. πᾶσ δ’ ἐσ θένα ὅμιλοσ ἔρχεται δρόμῳ, σὴν παῖδ’ ὅπωσ ἴδωσιν· οἱ δ’ εὐδαίμονεσ ἐν πᾶσι κλεινοὶ καὶ περίβλεπτοι βροτοῖσ. λέγουσι δ’· Ὑμέναιόσ τισ ἢ τί πράσσεται; ἢ πόθον ἔχων θυγατρὸσ Ἀγαμέμνων ἄναξ ἐκόμισε παῖδα; τῶν δ’ ἂν ἤκουσασ τάδε· Ἀρτέμιδι προτελίζουσι τὴν νεάνιδα, Αὐλίδοσ ἀνάσσῃ. τίσ νιν ἄξεταί ποτε; ἀλλ’ εἰᾶ, τἀπὶ τοισίδ’ ἐξάρχου κανᾶ, στεφανοῦσθε κρᾶτα καὶ σύ, Μενέλεωσ ἄναξ, ὑμέναιον εὐτρέπιζε καὶ κατὰ στέγασ λωτὸσ βοάσθω καὶ ποδῶν ἔστω κτύποσ· φῶσ γὰρ τόδ’ ἥκει μακάριον τῇ παρθένῳ.

일치하는 문장이 없습니다.

SEARCH

MENU NAVIGATION