헬라어 문장 검색 - ΕυριπίΙον́3́

(에우리피데스, Ion, episode)

γενναιότησ σοι, καὶ τρόπων τεκμήριον τὸ σχῆμ’ ἔχεισ τόδ’, ἥτισ εἶ ποτ’, ὦ γύναι. γνοίη δ’ ἂν ὡσ τὰ πολλά γ’ ἀνθρώπου πέρι τὸ σχῆμ’ ἰδών τισ εἰ πέφυκεν εὐγενήσ. ἐά· ἀλλ’ ἐξέπληξάσ μ’, ὄμμα συγκλῄσασα σὸν δακρύοισ θ’ ὑγράνασ’ εὐγενῆ παρηίδα, ὡσ εἶδεσ ἁγνὰ Λοξίου χρηστήρια. τί ποτε μερίμνησ ἐσ τόδ’ ἦλθεσ, ὦ γύναι; ὃ πάντεσ ἄλλοι γύαλα λεύσσοντεσ θεοῦ χαίρουσιν, ἐνταῦθ’ ὄμμα σὸν δακρυρροεῖ; ὦ ξένε, τὸ μὲν σὸν οὐκ ἀπαιδεύτωσ ἔχει ἐσ θαύματ’ ἐλθεῖν δακρύων ἐμῶν πέρι· ἐγὼ δ’ ἰδοῦσα τούσδ’ Ἀπόλλωνοσ δόμουσ μνήμην παλαιὰν ἀνεμετρησάμην τινά· οἴκοι δὲ τὸν νοῦν ἔσχον ἐνθάδ’ οὖσά που. ὦ τλήμονεσ γυναῖκεσ· ὦ τολμήματα θεῶν. τί δῆτα; ποῖ δίκην ἀνοίσομεν, εἰ τῶν κρατούντων ἀδικίαισ ὀλούμεθα; τί χρῆμ’ ἀνερμήνευτα δυσθυμῇ, γύναι; οὐδέν· μεθῆκα τόξα· τἀπὶ τῷδε δὲ ἐγώ τε σιγῶ, καὶ σὺ μὴ φρόντιζ’ ἔτι. τίσ δ’ εἶ; πόθεν γῆσ ἦλθεσ; ἐκ ποίασ πάτρασ πέφυκασ; ὄνομα τί σε καλεῖν ἡμᾶσ χρεών; Κρέουσα μέν μοι τοὔνομ’, ἐκ δ’ Ἐρεχθέωσ πέφυκα, πατρὶσ γῆ δ’ Ἀθηναίων πόλισ. ὦ κλεινὸν οἰκοῦσ’ ἄστυ γενναίων τ’ ἄπο τραφεῖσα πατέρων, ὥσ σε θαυμάζω, γύναι. τοσαῦτα κεὐτυχοῦμεν, ὦ ξέν’, οὐ πέρα. πρὸσ θεῶν ἀληθῶσ, ὡσ μεμύθευται βροτοῖσ . . . ; τί χρῆμ’ ἐρωτᾷσ, ὦ ξέν’, ἐκμαθεῖν θέλων; ἐκ γῆσ πατρόσ σου πρόγονοσ ἔβλαστεν πατήρ; Ἐριχθόνιόσ γε· τὸ δὲ γένοσ μ’ οὐκ ὠφελεῖ. ἦ καί σφ’ Ἀθάνα γῆθεν ἐξανείλετο; ἐσ παρθένουσ γε χεῖρασ, οὐ τεκοῦσά νιν. δίδωσι δ’, ὥσπερ ἐν γραφῇ νομίζεται . . . ; Κέκροπόσ γε σῴζειν παισὶν οὐχ ὁρώμενον. ἤκουσα λῦσαι παρθένουσ τεῦχοσ θεᾶσ. τοιγὰρ θανοῦσαι σκόπελον ᾕμαξαν πέτρασ. εἰε͂̔ν· τί δαὶ τόδ’; ἆρ’ ἀληθὲσ ἢ μάτην λόγοσ . . . τί χρῆμ’ ἐρωτᾷσ; καὶ γὰρ οὐ κάμνω σχολῇ. πατὴρ Ἐρεχθεὺσ σὰσ ἔθυσε συγγόνουσ; ἔτλη πρὸ γαίασ σφάγια παρθένουσ κτανεῖν. σὺ δ’ ἐξεσώθησ πῶσ κασιγνήτων μόνη; βρέφοσ νεογνὸν μητρὸσ ἦν ἐν ἀγκάλαισ. πατέρα δ’ ἀληθῶσ χάσμα σὸν κρύπτει χθονόσ; πληγαὶ τριαίνησ ποντίου σφ’ ἀπώλεσαν. Μακραὶ δὲ χῶρόσ ἐστ’ ἐκεῖ κεκλημένοσ; τί δ’ ἱστορεῖσ τόδ’; ὥσ μ’ ἀνέμνησάσ τινοσ. τιμᾷ σφε Πύθιοσ ἀστραπαί τε Πύθιαι. τιμᾶ τιμᾶ · ὡσ μήποτ’ ὤφελόν σφ’ ἰδεῖν. τί δὲ στυγεῖσ σὺ τοῦ θεοῦ τὰ φίλτατα; οὐδέν· ξύνοιδ’ ἄντροισιν αἰσχύνην τινά. πόσισ δὲ τίσ σ’ ἔγημ’ Ἀθηναίων, γύναι; οὐκ ἀστόσ, ἀλλ’ ἐπακτὸσ ἐξ ἄλλησ χθονόσ. τίσ; εὐγενῆ νιν δεῖ πεφυκέναι τινά. Ξοῦθοσ, πεφυκὼσ Αἰόλου Διόσ τ’ ἄπο. καὶ πῶσ ξένοσ σ’ ὢν ἔσχεν οὖσαν ἐγγενῆ; Εὔβοι’ Ἀθήναισ ἔστι τισ γείτων πόλισ . . . ὁρ́οισ ὑγροῖσιν, ὡσ λέγουσ’, ὡρισμένη. ταύτην ἔπερσε Κεκροπίδαισ κοινῷ δορί. ἐπίκουροσ ἐλθών; κᾆτα σὸν γαμεῖ λέχοσ; φερνάσ γε πολέμου καὶ δορὸσ λαβὼν γέρασ. σὺν ἀνδρὶ δ’ ἥκεισ ἢ μόνη χρηστήρια; σὺν ἀνδρί. σηκοὺσ δ’ ἐκστρέφει Τροφωνίου. πότερα θεατὴσ ἢ χάριν μαντευμάτων; κείνου τε Φοίβου θ’ ἓν θέλων μαθεῖν ἔποσ. καρποῦ δ’ ὕπερ γῆσ ἥκετ’, ἢ παίδων πέρι; ἄπαιδέσ ἐσμεν, χρόνι’ ἔχοντ’ εὐνήματα. οὐδ’ ἔτεκεσ οὐδὲν πώποτ’, ἀλλ’ ἄτεκνοσ εἶ; ὁ Φοῖβοσ οἶδε τὴν ἐμὴν ἀπαιδίαν. ὦ τλῆμον, ὡσ τἄλλ’ εὐτυχοῦσ’ οὐκ εὐτυχεῖσ. σὺ δ’ εἶ τίσ;

ὥσ σου τὴν τεκοῦσαν ὤλβισα. τοῦ θεοῦ καλοῦμαι δοῦλοσ εἰμί τ’, ὦ γύναι. ἀνάθημα πόλεωσ, ἤ τινοσ πραθεὶσ ὕπο; οὐκ οἶδα πλὴν ἕν· Λοξίου κεκλήμεθα. ἡμεῖσ σ’ ἄρ’ αὖθισ, ὦ ξέν’, ἀντοικτίρομεν. ὡσ μὴ εἰδόθ’ ἥτισ μ’ ἔτεκεν ἐξ ὅτου τ’ ἔφυν. ναοῖσι δ’ οἰκεῖσ τοισίδ’ ἢ κατὰ στέγασ; ἅπαν θεοῦ μοι δῶμ’, ἵν’ ἂν λάβῃ μ’ ὕπνοσ. παῖσ δ’ ὢν ἀφίκου ναὸν ἢ νεανίασ; βρέφοσ λέγουσιν οἱ δοκοῦντεσ εἰδέναι. καὶ τίσ γάλακτί σ’ ἐξέθρεψε Δελφίδων; οὐπώποτ’ ἔγνων μαστόν· ἣ δ’ ἔθρεψέ με . . . τίσ, ὦ ταλαίπωρ’; ὡσ νοσοῦσ’ ηὑρ͂ον νόσουσ. Φοίβου προφῆτισ, μητέρ’ ὣσ νομίζομεν. ἐσ δ’ ἄνδρ’ ἀφίκου τίνα τροφὴν κεκτημένοσ; βωμοί μ’ ἔφερβον οὑπιών τ’ ἀεὶ ξένοσ. τάλαινά σ’ ἡ τεκοῦσα· τίσ ποτ’ ἦν ἄρα; ἀδίκημά του γυναικὸσ ἐγενόμην ἴσωσ. ἔχεισ δὲ βίοτον· εὖ γὰρ ἤσκησαι πέπλοισ. τοῖσ τοῦ θεοῦ κοσμούμεθ’, ᾧ δουλεύομεν. οὐδ’ ᾖξασ εἰσ ἔρευναν ἐξευρεῖν γονάσ; ἔχω γὰρ οὐδέν, ὦ γύναι, τεκμήριον. φεῦ· πέπονθέ τισ σῇ μητρὶ ταὔτ’ ἄλλη γυνή. τίσ; εἰ πόνου μοι ξυλλάβοι, χαίροιμεν ἄν. ἧσ οὕνεκ’ ἦλθον δεῦρο πρὶν πόσιν μολεῖν. ποῖόν τι χρῄζουσ’; ὡσ ὑπουργήσω, γύναι. μάντευμα κρυπτὸν δεομένη Φοίβου μαθεῖν. λέγοισ ἄν· ἡμεῖσ τἄλλα προξενήσομεν. ἄκουε δὴ τὸν μῦθον. ‐ ἀλλ’ αἰδούμεθα. οὔ τἄρα πράξεισ οὐδέν· ἀργὸσ ἡ θεόσ. Φοίβῳ μιγῆναί φησί τισ φίλων ἐμῶν. Φοίβῳ γυνὴ γεγῶσα; μὴ λέγ’, ὦ ξένη. καὶ παῖδά γ’ ἔτεκε τῷ θεῷ λάθρα πατρόσ. οὐκ ἔστιν· ἀνδρὸσ ἀδικίαν αἰσχύνεται. οὔ φησιν αὐτή, καὶ πέπονθεν ἄθλια. τί χρῆμα δράσασ’, εἰ θεῷ συνεζύγη; τὸν παῖδ’ ὃν ἔτεκεν ἐξέθηκε δωμάτων. ὁ δ’ ἐκτεθεὶσ παῖσ ποῦ ’στιν; εἰσορᾷ φάοσ; οὐκ οἶδεν οὐδείσ. ταῦτα καὶ μαντεύομαι. εἰ δ’ οὐκέτ’ ἔστι, τίνι τρόπῳ διεφθάρη; θῆράσ σφε τὸν δύστηνον ἐλπίζει κτανεῖν. ποίῳ τόδ’ ἔγνω χρωμένη τεκμηρίῳ; ἐλθοῦσ’ ἵν’ αὐτὸν ἐξέθηκ’ οὐχ ηὑρ͂’ ἔτι. ἦν δὲ σταλαγμὸσ ἐν στίβῳ τισ αἵματοσ; οὔ φησι. καίτοι πόλλ’ ἐπεστράφη πέδον. χρόνοσ δὲ τίσ τῷ παιδὶ διαπεπραγμένῳ; σοὶ ταὐτὸν ἥβησ, εἴπερ, εἶχεν ἂν μέτρον. ἀδικεῖ νιν ὁ θεόσ·

ἡ τεκοῦσα δ’ ἀθλία. οὔκουν ἔτ’ ἄλλον γ’ ὕστερον τίκτει γόνον. τί δ’, εἰ λάθρα νιν Φοῖβοσ ἐκτρέφει λαβών; τὰ κοινὰ χαίρων οὐ δίκαια δρᾷ μόνοσ. οἴμοι· προσῳδὸσ ἡ τύχη τὠμῷ πάθει. καὶ σέ, ὦ ξέν’, οἶμαι μητέρ’ ἀθλίαν ποθεῖν. καὶ μή γ’ ἐπ’ οἶκτόν μ’ ἔξαγ’ οὗ ’λελήσμεθα. σιγῶ· πέραινε δ’ ὧν σ’ ἀνιστορῶ πέρι. οἶσθ’ οὖν ὃ κάμνει τοῦ λόγου μάλιστά σοι; τί δ’ οὐκ ἐκείνῃ τῇ ταλαιπώρῳ νοσεῖ; πῶσ ὁ θεὸσ ὃ λαθεῖν βούλεται μαντεύσεται; εἴπερ καθίζει τρίποδα κοινὸν Ἑλλάδοσ. αἰσχύνεται τὸ πρᾶγμα· μὴ ’ξέλεγχέ νιν. ἀλγύνεται δέ γ’ ἡ παθοῦσα τῇ τύχῃ. οὐκ ἔστιν ὅστισ σοι προφητεύσει τάδε. ἐν τοῖσ γὰρ αὑτοῦ δώμασιν κακὸσ φανεὶσ Φοῖβοσ δικαίωσ τὸν θεμιστεύοντά σοι δράσειεν ἄν τι πῆμα. ἀπαλλάσσου, γύναι. τῷ γὰρ θεῷ τἀναντί’ οὐ μαντευτέον. ἐσ γὰρ τοσοῦτον ἀμαθίασ ἔλθοιμεν ἄν, εἰ τοὺσ θεοὺσ ἄκοντασ ἐκπονήσομεν φράζειν ἃ μὴ θέλουσιν, ἢ προβωμίοισ σφαγαῖσι μήλων ἢ δι’ οἰωνῶν πτεροῖσ. ἃν γὰρ βίᾳ σπεύδωμεν ἀκόντων θεῶν, ἄκοντα κεκτήμεσθα τἀγάθ’, ὦ γύναι· ἃ δ’ ἂν διδῶσ’ ἑκόντεσ, ὠφελούμεθα. πολλαί γε πολλοῖσ εἰσι συμφοραὶ βροτῶν, μορφαὶ δὲ διαφέρουσιν· ἓν δ’ ἂν εὐτυχὲσ μόλισ ποτ’ ἐξεύροι τισ ἀνθρώπων βίῳ. ὦ Φοῖβε, κἀκεῖ κἀνθάδ’ οὐ δίκαιοσ εἶ ἐσ τὴν ἀποῦσαν, ἧσ πάρεισιν οἱ λόγοι· ὃσ οὔτ’ ἔσωσασ τὸν σὸν ὃν σῶσαί σ’ ἐχρῆν, οὔθ’ ἱστορούσῃ μητρὶ μάντισ ὢν ἐρεῖσ, ὡσ, εἰ μὲν οὐκέτ’ ἔστιν, ὀγκωθῇ τάφῳ, εἰ δ’ ἔστιν . . . ἀλλ’ ἐᾶν χρὴ τάδ’, εἰ πρὸσ τοῦ θεοῦ κωλυόμεσθα μὴ μαθεῖν ἃ βούλομαι. ἀλλ’, ὦ ξέν’, εἰσορῶ γὰρ εὐγενῆ πόσιν Ξοῦθον πέλασ δὴ τόνδε, τὰσ Τροφωνίου λιπόντα θαλάμασ, τοὺσ λελεγμένουσ λόγουσ σίγα πρὸσ ἄνδρα, μή τιν’ αἰσχύνην λάβω διακονοῦσα κρυπτά, καὶ προβῇ λόγοσ οὐχ ᾗπερ ἡμεῖσ αὐτὸν ἐξειλίσσομεν.

τὰ γὰρ γυναικῶν δυσχερῆ πρὸσ ἄρσενασ, κἀν ταῖσ κακαῖσιν ἁγαθαὶ μεμειγμέναι μισούμεθ’· οὕτω δυστυχεῖσ πεφύκαμεν. πρῶτον μὲν ὁ θεὸσ τῶν ἐμῶν προσφθεγμάτων λαβὼν ἀπαρχὰσ χαιρέτω, σύ τ’, ὦ γύναι.

μῶν χρόνιοσ ἐλθών σ’ ἐξέπληξ’ ὀρρωδίᾳ; οὐδέν γ’· ἀφίκου δ’ ἐσ μέριμναν. ἀλλά μοι λέξον, τί θέσπισμ’ ἐκ Τροφωνίου φέρεισ, παίδων ὅπωσ νῷν σπέρμα συγκραθήσεται; οὐκ ἠξίωσε τοῦ θεοῦ προλαμβάνειν μαντεύμαθ’· ἓν δ’ οὖν εἶπεν· οὐκ ἄπαιδά με πρὸσ οἶκον ἥξειν οὐδὲ σὲ ἐκ χρηστηρίων. ὦ πότνια Φοίβου μῆτερ, εἰ γὰρ αἰσίωσ ἔλθοιμεν, ἅ τε νῷν συμβόλαια πρόσθεν ἦν ἐσ παῖδα τὸν σόν, μεταπέσοι βελτίονα. ἔσται τάδ’· ἀλλὰ τίσ προφητεύει θεοῦ; ἡμεῖσ τά γ’ ἔξω, τῶν ἔσω δ’ ἄλλοισ μέλει, οἳ πλησίον θάσσουσι τρίποδοσ, ὦ ξένε, Δελφῶν ἀριστῆσ, οὓσ ἐκλήρωσεν πάλοσ. καλῶσ· ἔχω δὴ πάνθ’ ὅσων ἐχρῄζομεν. στείχοιμ’ ἂν εἴσω· καὶ γάρ, ὡσ ἐγὼ κλύω, χρηστήριον πέπτωκε τοῖσ ἐπήλυσι κοινὸν πρὸ ναοῦ· βούλομαι δ’ ἐν ἡμέρᾳ τῇδ’ ‐ αἰσία γάρ ‐ θεοῦ λαβεῖν μαντεύματα. σὺ δ’ ἀμφὶ βωμούσ, ὦ γύναι, δαφνηφόρουσ λαβοῦσα κλῶνασ, εὐτέκνουσ εὔχου θεοῖσ χρησμούσ μ’ ἐνεγκεῖν ἐξ Ἀπόλλωνοσ δόμων. ἔσται τάδ’, ἔσται. Λοξίασ δ’ ἐὰν θέλῃ νῦν ἀλλὰ τὰσ πρὶν ἀναλαβεῖν ἁμαρτίασ, ἅπασ μὲν οὐ γένοιτ’ ἂν εἰσ ἡμᾶσ φίλοσ, ὅσον δὲ χρῄζει ‐ θεὸσ γάρ ἐστι ‐ δέξομαι. τί ποτε λόγοισιν ἡ ξένη πρὸσ τὸν θεὸν κρυπτοῖσιν αἰεὶ λοιδοροῦσ’ αἰνίσσεται; ἤτοι φιλοῦσά γ’ ἧσ ὕπερ μαντεύεται, ἢ καί τι σιγῶσ’ ὧν σιωπᾶσθαι χρεών; ἀτὰρ θυγατρὸσ τῆσ Ἐρεχθέωσ τί μοι μέλει; προσήκει γ’ οὐδέν. ἀλλὰ χρυσέαισ πρόχοισιν ἐλθὼν εἰσ ἀπορραντήρια δρόσον καθήσω. νουθετητέοσ δέ μοι Φοῖβοσ, τί πάσχει· παρθένουσ βίᾳ γαμῶν προδίδωσι; παῖδασ ἐκτεκνούμενοσ λάθρᾳ θνῄσκοντασ ἀμελεῖ; μὴ σύ γ’· ἀλλ’, ἐπεὶ κρατεῖσ, ἀρετὰσ δίωκε. καὶ γὰρ ὅστισ ἂν βροτῶν κακὸσ πεφύκῃ, ζημιοῦσιν οἱ θεοί. πῶσ οὖν δίκαιον τοὺσ νόμουσ ὑμᾶσ βροτοῖσ γράψαντασ, αὐτοὺσ ἀνομίαν ὀφλισκάνειν; εἰ δ’ ‐ οὐ γὰρ ἔσται, τῷ λόγῳ δὲ χρήσομαι ‐ δίκασ βιαίων δώσετ’ ἀνθρώποισ γάμων, σὺ καὶ Ποσειδῶν Ζεύσ θ’ ὃσ οὐρανοῦ κρατεῖ, ναοὺσ τίνοντεσ ἀδικίασ κενώσετε. τὰσ ἡδονὰσ γὰρ τῆσ προμηθίασ πάροσ σπεύδοντεσ ἀδικεῖτ’. οὐκέτ’ ἀνθρώπουσ κακῶσ λέγειν δίκαιον, εἰ τὰ τῶν θεῶν καλὰ μιμούμεθ’, ἀλλὰ τοὺσ διδάσκοντασ τάδε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Ion, episode

(에우리피데스, Ion, episode)

상위

목록

SEARCH

MENU NAVIGATION