헬라어 문장 검색 - ΕυριπίΙον́2́4́0́

(에우리피데스, Ion, choral, anapests)

ἀλλ’ ἐκπαύσω γὰρ μόχθουσ δάφνασ ὁλκοῖσ, χρυσέων δ’ ἐκ τευχέων ῥίψω Γαίασ παγάν, ἃν ἀποχεύονται Κασταλίασ δῖναι, νοτερὸν ὕδωρ βάλλων, ὅσιοσ ἀπ’ εὐνᾶσ ὤν. εἴθ’ οὕτωσ αἰεὶ Φοίβῳ λατρεύων μὴ παυσαίμαν, ἢ παυσαίμαν ἀγαθᾷ μοίρᾳ. ἐά ἐά· φοιτῶσ’ ἤδη λείπουσίν τε πτανοὶ Παρνασοῦ κοίτασ· αὐδῶ μὴ χρίμπτειν θριγκοῖσ μηδ’ ἐσ χρυσήρεισ οἴκουσ ‐ μάρψω σ’ αὖ τόξοισ, ὦ Ζηνὸσ κῆρυξ, ὀρνίθων γαμφηλαῖσ ἰσχὺν νικῶν. ὅδε πρὸσ θυμέλασ ἄλλοσ ἐρέσσει κύκνοσ. οὐκ ἄλλᾳ φοινικοφαῆ πόδα κινήσεισ; οὐδέν σ’ ἁ φόρμιγξ ἁ Φοίβου σύμμολποσ τόξων ῥύσαιτ’ ἄν. πάραγε πτέρυγασ· λίμνασ ἐπίβα τᾶσ Δηλιάδοσ· αἱμάξεισ, εἰ μὴ πείσῃ, τὰσ καλλιφθόγγουσ ᾠδάσ. ἐά ἐά· τίσ ὅδ’ ὀρνίθων καινὸσ προσέβα; μῶν ὑπὸ θριγκοὺσ εὐναίασ καρφυρὰσ θήσων τέκνοισ; ψαλμοί σ’ εἴρξουσιν τόξων. οὐ πείσῃ; χωρῶν δίναισ ταῖσ Ἀλφειοῦ παιδούργει, ἢ νάποσ Ἴσθμιον, ὡσ ἀναθήματα μὴ βλάπτηται ναοί θ’ οἱ Φοίβου. . . . κτείνειν δ’ ὑμᾶσ αἰδοῦμαι τοὺσ θεῶν ἀγγέλλοντασ φήμασ θνατοῖσ· οἷσ δ’ ἔγκειμαι μόχθοισ, Φοίβῳ δουλεύσω, κοὐ λήξω τοὺσ βόσκοντασ θεραπεύων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Ion, choral, anapests

(에우리피데스, Ion, choral, anapests)

상위

목록

SEARCH

MENU NAVIGATION