Euripides, Ion, choral, anapests

(에우리피데스, Ion, choral, anapests)

ἁρ́ματα μὲν τάδε λαμπρὰ τεθρίππων Ἥλιοσ ἤδη λάμπει κατὰ γῆν, ἄστρα δὲ φεύγει πυρὶ τῷδ’ αἰθέροσ ἐσ νύχθ’ ἱεράν· Παρνησιάδεσ δ’ ἄβατοι κορυφαὶ καταλαμπόμεναι τὴν ἡμερίαν ἁψῖδα βροτοῖσι δέχονται. σμύρνησ δ’ ἀνύδρου καπνὸσ εἰσ ὀρόφουσ Φοίβου πέταται. θάσσει δὲ γυνὴ τρίποδα ζάθεον Δελφίσ, ἀείδουσ’ Ἕλλησι βοάσ, ἃσ ἂν Ἀπόλλων κελαδήσῃ. ἀλλ’, ὦ Φοίβου Δελφοὶ θέραπεσ, τὰσ Κασταλίασ ἀργυροειδεῖσ βαίνετε δίνασ, καθαραῖσ δὲ δρόσοισ ἀφυδρανάμενοι στείχετε ναούσ· στόμα τ’ εὔφημον φρουρεῖν ἀγαθόν, φήμασ τ’ ἀγαθὰσ τοῖσ ἐθέλουσιν μαντεύεσθαι γλώσσησ ἰδίασ ἀποφαίνειν. ἡμεῖσ δέ, πόνουσ οὓσ ἐκ παιδὸσ μοχθοῦμεν ἀεί, πτόρθοισι δάφνησ στέφεσίν θ’ ἱεροῖσ ἐσόδουσ Φοίβου καθαρὰσ θήσομεν, ὑγραῖσ τε πέδον ῥανίσιν νοτερόν· πτηνῶν τ’ ἀγέλασ, αἳ βλάπτουσιν σέμν’ ἀναθήματα, τόξοισιν ἐμοῖσ φυγάδασ θήσομεν· ὡσ γὰρ ἀμήτωρ ἀπάτωρ τε γεγὼσ τοὺσ θρέψαντασ Φοίβου ναοὺσ θεραπεύω.

일치하는 문장이 없습니다.

SEARCH

MENU NAVIGATION