호흡부호 보기
강세부호 보기
장단부호 보기
작은 Iota 보기
모든 부호 보기
Ἥλιον μαρτυρόμεσθα δρῶσ’ ἃ δρᾶν οὐ βούλομαι. εἰ δὲ δή μ’ Ἥρᾳ θ’ ὑπουργεῖν σοί τ’ ἀναγκαίωσ ἔχει τάχοσ ἐπιρροίβδην θ’ ὁμαρτεῖν ὡσ κυνηγέτῃ κύνασ, εἶμί γ’· οὔτε πόντοσ οὕτωσ κύμασιν στένων λάβρωσ οὔτε γῆσ σεισμὸσ κεραυνοῦ τ’ οἶστροσ ὠδῖνασ πνέων, οἷ’ ἐγὼ στάδια δραμοῦμαι στέρνον εἰσ Ἡρακλέουσ· καὶ καταρρήξω μέλαθρα καὶ δόμουσ ἐπεμβαλῶ, τέκν’ ἀποκτείνασα πρῶτον· ὁ δὲ κανὼν οὐκ εἴσεται παῖδασ οὓσ ἔτικτ’ ἐναίρων, πρὶν ἂν ἐμὰσ λύσσασ ἀφῇ. ἢν ἰδού· καὶ δὴ τινάσσει κρᾶτα βαλβίδων ἄπο καὶ διαστρόφουσ ἑλίσσει σῖγα γοργωποὺσ κόρασ. ἀμπνοὰσ δ’ οὐ σωφρονίζει, ταῦροσ ὣσ ἐσ ἐμβολὴν δεινόσ· μυκᾶται δὲ Κῆρασ ἀνακαλῶν τὰσ Ταρτάρου. τάχα σ’ ἐγὼ μᾶλλον χορεύσω καὶ καταυλήσω φόβῳ. στεῖχ’ ἐσ Οὔλυμπον πεδαίρουσ’, Ἶρι, γενναῖον πόδα· ἐσ δόμουσ δ’ ἡμεῖσ ἄφαντοι δυσόμεσθ’ Ἡρακλέουσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기