헬라어 문장 검색 - ΕυριπίΗελεν́9́2́

(에우리피데스, Helen, episode, dialogue)

ἐπίσχεσ ὀργὰσ αἷσιν οὐκ ὀρθῶσ φέρῃ, Θεοκλύμενε, γαίασ τῆσδ’ ἄναξ· δισσοὶ δέ σε Διόσκοροι καλοῦμεν, οὓσ Λήδα ποτὲ ἔτικτεν Ἑλένην θ’, ἣ πέφευγε σοὺσ δόμουσ· οὐ γὰρ πεπρωμένοισιν ὀργίζῃ γάμοισ, οὐδ’ ἡ θεᾶσ Νηρῇδοσ ἔκγονοσ κόρη ἀδικεῖ σ’ ἀδελφὴ Θεονόη, τὰ τῶν θεῶν τιμῶσα πατρόσ τ’ ἐνδίκουσ ἐπιστολάσ. ἐσ μὲν γὰρ αἰεὶ τὸν παρόντα νῦν χρόνον κείνην κατοικεῖν σοῖσιν ἐν δόμοισ ἐχρῆν·

ἐπεὶ δὲ Τροίασ ἐξανεστάθη βάθρα, καὶ τοῖσ θεοῖσ παρέσχε τοὔνομ’, οὐκέτι· ἐν τοῖσι δ’ αὑτῆσ δεῖ νιν ἐζεῦχθαι γάμοισ ἐλθεῖν τ’ ἐσ οἴκουσ καὶ συνοικῆσαι πόσει. ἀλλ’ ἴσχε μὲν σῆσ συγγόνου μέλαν ξίφοσ, νόμιζε δ’ αὐτὴν σωφρόνωσ πράσσειν τάδε. πάλαι δ’ ἀδελφὴν κἂν πρὶν ἐξεσώσαμεν, ἐπείπερ ἡμᾶσ Ζεὺσ ἐποίησεν θεούσ· ἀλλ’ ἥσσον’ ἦμεν τοῦ πεπρωμένου θ’ ἅμα καὶ τῶν θεῶν, οἷσ ταῦτ’ ἔδοξεν ὧδ’ ἔχειν. σοὶ μὲν τάδ’ αὐδῶ, συγγόνῳ δ’ ἐμῇ λέγω·

πλεῖ ξὺν πόσει σῷ· πνεῦμα δ’ ἕξετ’ οὔριον· σωτῆρε δ’ ἡμεῖσ σὼ κασιγνήτω διπλῶ πόντον παριππεύοντε πέμψομεν πάτραν. ὅταν δὲ κάμψῃσ καὶ τελευτήσῃσ βίον, θεὸσ κεκλήσῃ καὶ Διοσκόρων μέτα σπονδῶν μεθέξεισ ξένιά τ’ ἀνθρώπων πάρα ἕξεισ μεθ’ ἡμῶν· Ζεὺσ γὰρ ὧδε βούλεται. οὗ δ’ ὡρ́ισέν σοι πρῶτα Μαιάδοσ τόκοσ, Σπάρτησ ἀπάρασ, τὸν κατ’ οὐρανὸν δρόμον, κλέψασ δέμασ σὸν μὴ Πάρισ γήμειέ σε, ‐ φρουρὸν παρ’ Ἀκτὴν τεταμένην νῆσον λέγω ‐ Ἑλένη τὸ λοιπὸν ἐν βροτοῖσ κεκλήσεται, ἐπεὶ κλοπαίαν σ’ ἐκ δόμων ἐδέξατο. καὶ τῷ πλανήτῃ Μενέλεῳ θεῶν πάρα μακάρων κατοικεῖν νῆσόν ἐστι μόρσιμον· τοὺσ εὐγενεῖσ γὰρ οὐ στυγοῦσι δαίμονεσ, τῶν δ’ ἀναριθμήτων μᾶλλόν εἰσιν οἱ πόνοι. ὦ παῖδε Λήδασ καὶ Διόσ, τὰ μὲν πάροσ νείκη μεθήσω σφῶν κασιγνήτησ πέρι· ἐγὼ δ’ ἀδελφὴν οὐκέτ’ ἂν κτάνοιμ’ ἐμήν. κείνη δ’ ἴτω πρὸσ οἶκον, εἰ θεοῖσ δοκεῖ. ἴστον δ’ ἀρίστησ σωφρονεστάτησ θ’ ἅμα γεγῶτ’ ἀδελφῆσ ὁμογενοῦσ ἀφ’ αἵματοσ. καὶ χαίρεθ’ Ἑλένησ οὕνεκ’ εὐγενεστάτησ γνώμησ, ὃ πολλαῖσ ἐν γυναιξὶν οὐκ ἔνι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Helen, episode, dialogue

(에우리피데스, Helen, episode, dialogue)

상위

목록

SEARCH

MENU NAVIGATION