호흡부호 보기
강세부호 보기
장단부호 보기
작은 Iota 보기
모든 부호 보기
ὦ γυναικείαισ τέχναισιν αἱρεθεὶσ ἐγὼ τάλασ· ἐκπεφεύγασιν γάμοι με. κεἰ μὲν ἦν ἁλώσιμοσ ναῦσ διώγμασιν, πονήσασ εἷλον ἂν τάχα ξένουσ· νῦν δὲ τὴν προδοῦσαν ἡμᾶσ τεισόμεσθα σύγγονον, ἥτισ ἐν δόμοισ ὁρῶσα Μενέλεων οὐκ εἶπέ μοι. τοιγὰρ οὔποτ’ ἄλλον ἄνδρα ψεύσεται μαντεύμασιν. οὗτοσ ὤ, ποῖ σὸν πόδ’ αἴρεισ, δέσποτ’, ἐσ ποῖον φόνον; οἷπερ ἡ δίκη κελεύει με· ἀλλ’ ἀφίστασ’ ἐκποδών. οὐκ ἀφήσομαι πέπλων σῶν· μεγάλα <γὰρ> σπεύδεισ κακά. ἀλλὰ δεσποτῶν κρατήσεισ δοῦλοσ ὤν; φρονῶ γὰρ εὖ. οὐκ ἔμοιγ’, εἰ μή μ’ ἐάσεισ ‐ οὐ μὲν οὖν σ’ ἐάσομεν. σύγγονον κτανεῖν κακίστην ‐ εὐσεβεστάτην μὲν οὖν. ἥ με προύδωκεν ‐ καλήν γε προδοσίαν, δίκαια δρᾶν. τἀμὰ λέκτρ’ ἄλλῳ διδοῦσα. τοῖσ γε κυριωτέροισ. κύριοσ δὲ τῶν ἐμῶν τίσ; ὃσ ἔλαβεν πατρὸσ πάρα. ἀλλ’ ἔδωκεν ἡ τύχη μοι. τὸ δὲ χρεὼν ἀφείλετο. οὐ σὲ τἀμὰ χρὴ δικάζειν. ἤν γε βελτίω λέγω. ἀρχόμεσθ’ ἄρ’, οὐ κρατοῦμεν. ὅσια δρᾶν, τὰ δ’ ἔκδικ’ οὔ. κατθανεῖν ἐρᾶν ἐοίκασ. κτεῖνε· σύγγονον δὲ σὴν οὐ κτενεῖσ ἡμῶν ἑκόντων, ἀλλ’ ἔμε· <ὡσ> πρὸ δεσποτῶν τοῖσι γενναίοισι δούλοισ εὐκλεέστατον θανεῖν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기