헬라어 문장 검색 - ΕυριπίΗελεν́9́0́00́

(에우리피데스, Helen, episode)

ἄναξ, τὰ κάκιστ’ ἐν δόμοισ εὑρήκαμεν· ὡσ καίν’ ἀκούσῃ πήματ’ ἐξ ἐμοῦ τάχα. τί δ’ ἔστιν; ἄλλησ ἐκπόνει μνηστεύματα γυναικόσ· Ἑλένη γὰρ βέβηκ’ ἔξω χθονόσ. πτεροῖσιν ἀρθεῖσ’ ἢ πεδοστιβεῖ ποδί; Μενέλαοσ αὐτὴν ἐκπεπόρθμευται χθονόσ, ὃσ αὐτὸσ αὑτὸν ἦλθεν ἀγγέλλων θανεῖν. ὦ δεινὰ λέξασ· τίσ δέ νιν ναυκληρία ἐκ τῆσδ’ ἀπῆρε χθονόσ; ἄπιστα γὰρ λέγεισ. ἥν γε ξένῳ δίδωσ σύ· τούσ τε σοὺσ ἔχων ναύτασ βέβηκεν, ὡσ ἂν ἐν βραχεῖ μάθῃσ. πῶσ; εἰδέναι πρόθυμοσ· οὐ γὰρ ἐλπίδων ἔσω βέβηκα μίαν ὑπερδραμεῖν χέρα τοσούσδε ναύτασ, ὧν ἀπεστάλησ μέτα. ἐπεὶ λιποῦσα τούσδε βασιλείουσ δόμουσ ἡ τοῦ Διὸσ παῖσ πρὸσ θάλασσαν ἐστάλη σοφώταθ’ ἁβρὸν πόδα τιθεῖσ’ ἀνέστενε πόσιν πέλασ παρόντα κοὐ τεθνηκότα. ὡσ δ’ ἤλθομεν σῶν περίβολον νεωρίων, Σιδωνίαν ναῦν πρωτόπλουν καθείλκομεν ζυγῶν τε πεντήκοντα κἀρετμῶν μέτρα ἔχουσαν. ἔργου δ’ ἔργον ἐξημείβετο· ὃ μὲν γὰρ ἱστόν, ὃ δὲ πλάτην καθίσατο ταρσόν τε χειρί, λευκά θ’ ἱστί’ εἰσ ἓν ἦν πηδάλιά τε ζεύγλαισι παρακαθίετο. κἀν τῷδε μόχθῳ, τοῦτ’ ἄρα σκοπούμενοι, Ἕλληνεσ ἄνδρεσ Μενέλεῳ ξυνέμποροι προσῆλθον ἀκταῖσ ναυφθόροισ ἠσθημένοι πέπλοισιν, εὐειδεῖσ μέν, αὐχμηροὶ δ’ ὁρᾶν. ἰδὼν δέ νιν παρόντασ Ἀτρέωσ γόνοσ προσεῖπε δόλιον οἶκτον ἐσ μέσον φέρων· Ὦ τλήμονεσ, πῶσ ἐκ τίνοσ νεώσ ποτε Ἀχαιίδοσ θραύσαντεσ ἥκετε σκάφοσ; ἆρ’ Ἀτρέωσ παῖδ’ ὀλόμενον συνθάπτετε, ὃν Τυνδαρὶσ παῖσ ἥδ’ ἀπόντα κενοταφεῖ; οἳ δ’ ἐκβαλόντεσ δάκρυα ποιητῷ τρόπῳ, ἐσ ναῦν ἐχώρουν Μενέλεῳ ποντίσματα φέροντεσ. ἡμῖν δ’ ἦν μὲν ἥδ’ ὑποψία λόγοσ τ’ ἐν ἀλλήλοισι, τῶν ἐπεσβατῶν ὡσ πλῆθοσ εἰή· διεσιωπῶμεν δ’ ὅμωσ τοὺσ σοὺσ λόγουσ σῴζοντεσ· ἄρχειν γὰρ νεὼσ ξένον κελεύσασ πάντα συνέχεασ τάδε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Helen, episode

(에우리피데스, Helen, episode)

상위

목록

SEARCH

MENU NAVIGATION