Euripides, Helen, choral, antistrophe 2

μόλοιτέ ποθ’ ἵππιον οἶμον δι’ αἰθέροσ ἱέμενοι παῖδεσ Τυνδαρίδαι, λαμπρῶν ἄστρων ὑπ’ ἀέλλαισιν· οἳ ναίετ’ οὐράνιοι, σωτῆρεσ τᾶσ Ἑλένασ, γλαυκὸν ἔπιτ’ οἶδμα κυανόχροά τε κυμάτων ῥόθια πολιὰ θαλάσσασ, ναύταισ εὐαεῖσ ἀνέμων πέμποντεσ Διόθεν πνοάσ· δύσκλειαν δ’ ἀπὸ συγγόνου βάλετε βαρβάρων λεχέων, ἃν Ἰδαίων ἐρίδων ποιναθεῖσ’ ἐκτήσατο, γᾶν οὐκ ἐλθοῦσά <ποτ’> Ἰλίου Φοιβείουσ ἐπὶ πύργουσ.