Euripides, Helen, choral, antistrophe 2

ὧν οὐ θέμισ <σ’> οὔθ’ ὁσία ’πύρωσασ ἐν <θεῶν> θαλάμοισ, μῆνιν δ’ ἔσχεσ μεγάλασ ματρόσ, ὦ παῖ, θυσίασ οὐ σεβίζουσα θεᾶσ. μέγα τοι δύναται νεβρῶν παμποίκιλοι στολίδεσ κισσοῦ τε στεφθεῖσα χλόα νάρθηκασ εἰσ ἱερούσ, ῥόμβου θ’ εἱλισσομένα κύκλιοσ ἔνοσισ αἰθερία, βακχεύουσά τ’ ἔθειρα Βρομί ῳ καὶ παννυχίδεσ θεᾶσ. εὖ δέ νιν ἄμασιν ὑπέρβαλε σελάνα μορφᾷ μόνον ηὔχεισ.