Euripides, Hecuba, episode, lyric 8:

(에우리피데스, Hecuba, episode, lyric 8:)

οἴμοι, γυναικόσ, ὡσ ἐοίχ’, ἡσσώμενοσ δούλησ ὑφέξω τοῖσ κακίοσιν δίκην. οὔκουν δικαίωσ, εἴπερ εἰργάσω κακά; οἴμοι τέκνων τῶνδ’ ὀμμάτων τ’ ἐμῶν, τάλασ. ἀλγεῖσ· τί δ’; ἦ ’μὲ παιδὸσ οὐκ ἀλγεῖν δοκεῖσ; χαίρεισ ὑβρίζουσ’ εἰσ ἔμ’, ὦ πανοῦργε σύ; οὐ γάρ με χαίρειν χρή σε τιμωρουμένην; ἀλλ’ οὐ τάχ’, ἡνίκ’ ἄν σε ποντία νοτὶσ ‐ μῶν ναυστολήσῃ γῆσ ὁρ́ουσ Ἑλληνίδοσ; κρύψῃ μὲν οὖν πεσοῦσαν ἐκ καρχησίων. πρὸσ τοῦ βιαίων τυγχάνουσαν ἁλμάτων; αὐτὴ πρὸσ ἱστὸν ναὸσ ἀμβήσῃ ποδί. ὑποπτέροισ νώτοισιν ἢ ποίῳ τρόπῳ; κύων γενήσῃ πύρσ’ ἔχουσα δέργματα. πῶσ δ’ οἶσθα μορφῆσ τῆσ ἐμῆσ μετάστασιν; ὁ Θρῃξὶ μάντισ εἶπε Διόνυσοσ τάδε. σοὶ δ’ οὐκ ἔχρησεν οὐδὲν ὧν ἔχεισ κακῶν; οὐ γάρ ποτ’ ἂν σύ μ’ εἷλεσ ὧδε σὺν δόλῳ. θανοῦσα δ’ ἢ ζῶσ’ ἐνθάδ’ ἐκπλήσω βίον; θανοῦσα· τύμβῳ δ’ ὄνομα σῷ κεκλήσεται ‐ μορφῆσ ἐπῳδόν, ἢ τί, τῆσ ἐμῆσ ἐρεῖσ; κυνὸσ ταλαίνησ σῆμα, ναυτίλοισ τέκμαρ. οὐδὲν μέλει μοι σοῦ γέ μοι δόντοσ δίκην. καὶ σήν γ’ ἀνάγκη παῖδα Κασάνδραν θανεῖν. ἀπέπτυσ’· αὐτῷ ταῦτα σοὶ δίδωμ’ ἔχειν. κτενεῖ νιν ἡ τοῦδ’ ἄλοχοσ, οἰκουρὸσ πικρά. μήπω μανείη Τυνδαρὶσ τοσόνδε παῖσ. καὐτόν γε τοῦτον, πέλεκυν ἐξάρασ’ ἄνω. οὗτοσ σύ, μαίνῃ καὶ κακῶν ἐρᾷσ τυχεῖν; κτεῖν’, ὡσ ἐν Ἄργει φόνια λουτρά σ’ ἀμμένει. οὐχ ἕλξετ’ αὐτόν, δμῶεσ, ἐκποδὼν βίᾳ; ἀλγεῖσ ἀκούων; οὐκ ἐφέξετε στόμα; ἐγκλῄετ’· εἴρηται γάρ. οὐχ ὅσον τάχοσ νήσων ἐρήμων αὐτὸν ἐκβαλεῖτέ που, ἐπείπερ οὕτω καὶ λίαν θρασυστομεῖ; Ἑκάβη, σὺ δ’, ὦ τάλαινα, διπτύχουσ νεκροὺσ στείχουσα θάπτε· δεσποτῶν δ’ ὑμᾶσ χρεὼν σκηναῖσ πελάζειν, Τρῳάδεσ· καὶ γὰρ πνοὰσ πρὸσ οἶκον ἤδη τάσδε πομπίμουσ ὁρῶ. εὖ δ’ ἐσ πάτραν πλεύσαιμεν, εὖ δὲ τἀν δόμοισ ἔχοντ’ ἴδοιμεν τῶνδ’ ἀφειμένοι πόνων.

상위

Hecuba

목록

일치하는 문장이 없습니다.

SEARCH

MENU NAVIGATION