헬라어 문장 검색 - ΕυριπίΗεξυβά9́3́8́

(에우리피데스, Hecuba, episode, lyric 8:)

οἴμοι, γυναικόσ, ὡσ ἐοίχ’, ἡσσώμενοσ δούλησ ὑφέξω τοῖσ κακίοσιν δίκην. οὔκουν δικαίωσ, εἴπερ εἰργάσω κακά; οἴμοι τέκνων τῶνδ’ ὀμμάτων τ’ ἐμῶν, τάλασ. ἀλγεῖσ· τί δ’; ἦ ’μὲ παιδὸσ οὐκ ἀλγεῖν δοκεῖσ; χαίρεισ ὑβρίζουσ’ εἰσ ἔμ’, ὦ πανοῦργε σύ; οὐ γάρ με χαίρειν χρή σε τιμωρουμένην; ἀλλ’ οὐ τάχ’, ἡνίκ’ ἄν σε ποντία νοτὶσ ‐ μῶν ναυστολήσῃ γῆσ ὁρ́ουσ Ἑλληνίδοσ; κρύψῃ μὲν οὖν πεσοῦσαν ἐκ καρχησίων. πρὸσ τοῦ βιαίων τυγχάνουσαν ἁλμάτων; αὐτὴ πρὸσ ἱστὸν ναὸσ ἀμβήσῃ ποδί. ὑποπτέροισ νώτοισιν ἢ ποίῳ τρόπῳ; κύων γενήσῃ πύρσ’ ἔχουσα δέργματα. πῶσ δ’ οἶσθα μορφῆσ τῆσ ἐμῆσ μετάστασιν; ὁ Θρῃξὶ μάντισ εἶπε Διόνυσοσ τάδε. σοὶ δ’ οὐκ ἔχρησεν οὐδὲν ὧν ἔχεισ κακῶν; οὐ γάρ ποτ’ ἂν σύ μ’ εἷλεσ ὧδε σὺν δόλῳ. θανοῦσα δ’ ἢ ζῶσ’ ἐνθάδ’ ἐκπλήσω βίον; θανοῦσα· τύμβῳ δ’ ὄνομα σῷ κεκλήσεται ‐ μορφῆσ ἐπῳδόν, ἢ τί, τῆσ ἐμῆσ ἐρεῖσ; κυνὸσ ταλαίνησ σῆμα, ναυτίλοισ τέκμαρ. οὐδὲν μέλει μοι σοῦ γέ μοι δόντοσ δίκην. καὶ σήν γ’ ἀνάγκη παῖδα Κασάνδραν θανεῖν. ἀπέπτυσ’· αὐτῷ ταῦτα σοὶ δίδωμ’ ἔχειν. κτενεῖ νιν ἡ τοῦδ’ ἄλοχοσ, οἰκουρὸσ πικρά. μήπω μανείη Τυνδαρὶσ τοσόνδε παῖσ. καὐτόν γε τοῦτον, πέλεκυν ἐξάρασ’ ἄνω. οὗτοσ σύ, μαίνῃ καὶ κακῶν ἐρᾷσ τυχεῖν; κτεῖν’, ὡσ ἐν Ἄργει φόνια λουτρά σ’ ἀμμένει. οὐχ ἕλξετ’ αὐτόν, δμῶεσ, ἐκποδὼν βίᾳ; ἀλγεῖσ ἀκούων; οὐκ ἐφέξετε στόμα; ἐγκλῄετ’· εἴρηται γάρ. οὐχ ὅσον τάχοσ νήσων ἐρήμων αὐτὸν ἐκβαλεῖτέ που, ἐπείπερ οὕτω καὶ λίαν θρασυστομεῖ; Ἑκάβη, σὺ δ’, ὦ τάλαινα, διπτύχουσ νεκροὺσ στείχουσα θάπτε· δεσποτῶν δ’ ὑμᾶσ χρεὼν σκηναῖσ πελάζειν, Τρῳάδεσ· καὶ γὰρ πνοὰσ πρὸσ οἶκον ἤδη τάσδε πομπίμουσ ὁρῶ. εὖ δ’ ἐσ πάτραν πλεύσαιμεν, εὖ δὲ τἀν δόμοισ ἔχοντ’ ἴδοιμεν τῶνδ’ ἀφειμένοι πόνων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Hecuba, episode, lyric 8:

(에우리피데스, Hecuba, episode, lyric 8:)

상위

목록

SEARCH

MENU NAVIGATION