Euripides, Hecuba, episode, lyric 5:

(에우리피데스, Hecuba, episode, lyric 5:)

καί μοι τὸ μὲν σὸν ὧδε φροιμίοισ ἔχει· πρὸσ τόνδε δ’ εἶμι καὶ λόγοισ ἀμείψομαι· ὃσ φῂσ Ἀχαιῶν πόνον ἀπαλλάσσων διπλοῦν Ἀγαμέμνονόσ θ’ ἕκατι παῖδ’ ἐμὸν κτανεῖν. ἀλλ’, ὦ κάκιστε, πρῶτον οὔποτ’ ἂν φίλον τὸ βάρβαρον γένοιτ’ ἂν Ἕλλησιν γένοσ οὐδ’ ἂν δύναιτο. τίνα δὲ καὶ σπεύδων χάριν πρόθυμοσ ἦσθα; πότερα κηδεύσων τινὰ ἢ συγγενὴσ ὤν, ἢ τίν’ αἰτίαν ἔχων; ἢ σῆσ ἔμελλον γῆσ τεμεῖν βλαστήματα πλεύσαντεσ αὖθισ; τίνα δοκεῖσ πείσειν τάδε; ὁ χρυσόσ, εἰ βούλοιο τἀληθῆ λέγειν, ἔκτεινε τὸν ἐμὸν παῖδα, καὶ κέρδη τὰ σά. ἐπεὶ δίδαξον τοῦτο· πῶσ, ὅτ’ εὐτύχει Τροία, πέριξ δὲ πύργοσ εἶχ’ ἔτι πτόλιν, ἔζη τε Πρίαμοσ Ἕκτορόσ τ’ ἤνθει δόρυ, τί δ’ οὐ τότ’, εἴπερ τῷδ’ ἐβουλήθησ χάριν θέσθαι, τρέφων τὸν παῖδα κἀν δόμοισ ἔχων ἔκτεινασ ἢ ζῶντ’ ἦλθεσ Ἀργείοισ ἄγων; ἀλλ’ ἡνίχ’ ἡμεῖσ οὐκέτ’ ἐσμὲν ἐν φάει ‐ καπνῷ δ’ ἐσήμην’ ἄστυ ‐ πολεμίων ὕπο, ξένον κατέκτασ σὴν μολόντ’ ἐφ’ ἑστίαν.

상위

Hecuba

목록

일치하는 문장이 없습니다.

SEARCH

MENU NAVIGATION