헬라어 문장 검색 - ΕυριπίΗεξυβά9́3́1́

(에우리피데스, Hecuba, episode, lyric 1:)

συγγνώσθ’, ὅταν τισ κρείσσον’ ἢ φέρειν κακὰ πάθῃ, ταλαίνησ ἐξαπαλλάξαι ζόησ. κραυγῆσ ἀκούσασ ἦλθον· οὐ γὰρ ἥσυχοσ πέτρασ ὀρείασ παῖσ λέλακ’ ἀνὰ στρατὸν Ἠχὼ διδοῦσα θόρυβον· εἰ δὲ μὴ Φρυγῶν πύργουσ πεσόντασ ᾖσμεν Ἑλλήνων δορί, φόβον παρέσχεν οὐ μέσωσ ὅδε κτύποσ. ὦ φίλτατ’· ᾐσθόμην γάρ, Ἀγάμεμνον, σέθεν φωνῆσ ἀκούσασ· εἰσορᾷσ ἃ πάσχομεν; ἐά· Πολυμῆστορ· ὦ δύστηνε, τίσ σ’ ἀπώλεσεν; τίσ ὄμμ’ ἔθηκε τυφλὸν αἱμάξασ κόρασ, παῖδάσ τε τούσδ’ ἔκτεινεν; ἦ μέγαν χόλον σοὶ καὶ τέκνοισιν εἶχεν ὅστισ ἦν ἄρα. Ἑκάβη με σὺν γυναιξὶν αἰχμαλωτίσιν ἀπώλεσ’ ‐ οὐκ ἀπώλεσ’, ἀλλὰ μειζόνωσ. τί φῄσ; σὺ τοὔργον εἴργασαι τόδ’, ὡσ λέγει; σὺ τόλμαν, Ἑκάβη, τήνδ’ ἔτλησ ἀμήχανον; ὤμοι, τί λέξεισ; ἦ γὰρ ἐγγύσ ἐστί που; σήμηνον, εἰπὲ ποῦ ’σθ’, ἵν’ ἁρπάσασ χεροῖν διασπάσωμαι καὶ καθαιμάξω χρόα. οὗτοσ, τί πάσχεισ; πρὸσ θεῶν σε λίσσομαι, μέθεσ μ’ ἐφεῖναι τῇδε μαργῶσαν χέρα. ἴσχ’· ἐκβαλὼν δὲ καρδίασ τὸ βάρβαρον λέγ’, ὡσ ἀκούσασ σοῦ τε τῆσδέ τ’ ἐν μέρει κρίνω δικαίωσ ἀνθ’ ὅτου πάσχεισ τάδε. λέγοιμ’ ἄν. ἦν τισ Πριαμιδῶν νεώτατοσ, Πολύδωροσ, Ἑκάβησ παῖσ, ὃν ἐκ Τροίασ ἐμοὶ πατὴρ δίδωσι Πρίαμοσ ἐν δόμοισ τρέφειν, ὕποπτοσ ὢν δὴ Τρωικῆσ ἁλώσεωσ. τοῦτον κατέκτειν’· ἀνθ’ ὅτου δ’ ἔκτεινά νιν, ἄκουσον, ὡσ εὖ καὶ σοφῇ προμηθίᾳ. ἔδεισα μὴ σοὶ πολέμιοσ λειφθεὶσ ὁ παῖσ Τροίαν ἀθροίσῃ καὶ ξυνοικίσῃ πάλιν, γνόντεσ δ’ Ἀχαιοὶ ζῶντα Πριαμιδῶν τινα Φρυγῶν ἐσ αἰᾶν αὖθισ ἄρειαν στόλον, κἄπειτα Θρῄκησ πεδία τρίβοιεν τάδε λεηλατοῦντεσ, γείτοσιν δ’ εἰή κακὸν Τρώων, ἐν ᾧπερ νῦν, ἄναξ, ἐκάμνομεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Hecuba, episode, lyric 1:

(에우리피데스, Hecuba, episode, lyric 1:)

상위

목록

SEARCH

MENU NAVIGATION