Euripides, Hecuba, episode, lyric 1:

(에우리피데스, Hecuba, episode, lyric 1:)

συγγνώσθ’, ὅταν τισ κρείσσον’ ἢ φέρειν κακὰ πάθῃ, ταλαίνησ ἐξαπαλλάξαι ζόησ. κραυγῆσ ἀκούσασ ἦλθον· οὐ γὰρ ἥσυχοσ πέτρασ ὀρείασ παῖσ λέλακ’ ἀνὰ στρατὸν Ἠχὼ διδοῦσα θόρυβον· εἰ δὲ μὴ Φρυγῶν πύργουσ πεσόντασ ᾖσμεν Ἑλλήνων δορί, φόβον παρέσχεν οὐ μέσωσ ὅδε κτύποσ. ὦ φίλτατ’· ᾐσθόμην γάρ, Ἀγάμεμνον, σέθεν φωνῆσ ἀκούσασ· εἰσορᾷσ ἃ πάσχομεν; ἐά· Πολυμῆστορ· ὦ δύστηνε, τίσ σ’ ἀπώλεσεν; τίσ ὄμμ’ ἔθηκε τυφλὸν αἱμάξασ κόρασ, παῖδάσ τε τούσδ’ ἔκτεινεν; ἦ μέγαν χόλον σοὶ καὶ τέκνοισιν εἶχεν ὅστισ ἦν ἄρα. Ἑκάβη με σὺν γυναιξὶν αἰχμαλωτίσιν ἀπώλεσ’ ‐ οὐκ ἀπώλεσ’, ἀλλὰ μειζόνωσ. τί φῄσ; σὺ τοὔργον εἴργασαι τόδ’, ὡσ λέγει; σὺ τόλμαν, Ἑκάβη, τήνδ’ ἔτλησ ἀμήχανον; ὤμοι, τί λέξεισ; ἦ γὰρ ἐγγύσ ἐστί που; σήμηνον, εἰπὲ ποῦ ’σθ’, ἵν’ ἁρπάσασ χεροῖν διασπάσωμαι καὶ καθαιμάξω χρόα. οὗτοσ, τί πάσχεισ; πρὸσ θεῶν σε λίσσομαι, μέθεσ μ’ ἐφεῖναι τῇδε μαργῶσαν χέρα. ἴσχ’· ἐκβαλὼν δὲ καρδίασ τὸ βάρβαρον λέγ’, ὡσ ἀκούσασ σοῦ τε τῆσδέ τ’ ἐν μέρει κρίνω δικαίωσ ἀνθ’ ὅτου πάσχεισ τάδε. λέγοιμ’ ἄν. ἦν τισ Πριαμιδῶν νεώτατοσ, Πολύδωροσ, Ἑκάβησ παῖσ, ὃν ἐκ Τροίασ ἐμοὶ πατὴρ δίδωσι Πρίαμοσ ἐν δόμοισ τρέφειν, ὕποπτοσ ὢν δὴ Τρωικῆσ ἁλώσεωσ. τοῦτον κατέκτειν’· ἀνθ’ ὅτου δ’ ἔκτεινά νιν, ἄκουσον, ὡσ εὖ καὶ σοφῇ προμηθίᾳ. ἔδεισα μὴ σοὶ πολέμιοσ λειφθεὶσ ὁ παῖσ Τροίαν ἀθροίσῃ καὶ ξυνοικίσῃ πάλιν, γνόντεσ δ’ Ἀχαιοὶ ζῶντα Πριαμιδῶν τινα Φρυγῶν ἐσ αἰᾶν αὖθισ ἄρειαν στόλον, κἄπειτα Θρῄκησ πεδία τρίβοιεν τάδε λεηλατοῦντεσ, γείτοσιν δ’ εἰή κακὸν Τρώων, ἐν ᾧπερ νῦν, ἄναξ, ἐκάμνομεν.

상위

Hecuba

목록

일치하는 문장이 없습니다.

SEARCH

MENU NAVIGATION