Euripides, episode, anapests 5:

σοὶ μὲν τάδ εἶπον:? τόνδε δ Αἰγίσθου νέκυν Ἄργους πολῖται γῆς καλύψουσιν τάφῳ. μητέρα δὲ τὴν σὴν ἄρτι Ναυπλίαν παρὼν Μενέλαος, ἐξ οὗ Τρωικὴν εἷλε χθόνα, Ἑλένη τε θάψει: Πρωτέως γὰρ ἐκ δόμων ἥκει λιποῦς Αἴγυπτον οὐδ ἦλθεν Φρύγας: Ζεὺς δ, ὡς ἔρις γένοιτο καὶ φόνος βροτῶν, εἴδωλον Ἑλένης ἐξέπεμψ ἐς Ἴλιον. Πυλάδης μὲν οὖν κόρην τε καὶ δάμαρτ ἔχων Ἀχαιίδος γῆς οἴκαδ ἐσπορευέτω, καὶ τὸν λόγῳ σὸν πενθερὸν κομιζέτω Φωκέων ἐς αἰᾶν καὶ δότω πλούτου βάρος: σὺ δ Ἰσθμίας γῆς αὐχέν ἐμβαίνω ποδὶ χώρει πρὸς ὄχθον Κεκροπίας εὐδαίμονα. πεπρωμένην γὰρ μοῖραν ἐκπλήσας φόνου εὐδαιμονήσεις τῶνδ ἀπαλλαχθεὶς πόνων.?