Euripides, episode, anapests 4:

ἐνταῦθα καὶ σὲ δεῖ δραμεῖν φόνου πέρι. ἴσαι δέ σ’ ἐκσῴζουσι μὴ θανεῖν δίκῃ ψῆφοι τεθεῖσαι· Λοξίασ γὰρ αἰτίαν ἐσ αὑτὸν οἴσει, μητέροσ χρήσασ φόνον. καὶ τοῖσι λοιποῖσ ὅδε νόμοσ τεθήσεται, νικᾶν ἴσαισ ψήφοισι τὸν φεύγοντ’ ἀεί. δειναὶ μὲν οὖν θεαὶ τῷδ’ ἄχει πεπληγμέναι πάγον παρ’ αὐτὸν χάσμα δύσονται χθονόσ, σεμνὸν βροτοῖσιν εὐσεβὲσ χρηστήριον· σὲ δ’ Ἀρκάδων χρὴ πόλιν ἐπ’ Ἀλφειοῦ ῥοαῖσ οἰκεῖν Λυκαίου πλησίον σηκώματοσ· ἐπώνυμοσ δὲ σοῦ πόλισ κεκλήσεται.