헬라어 문장 검색 - ΕυριπίΕλεξτρά11́1́

(에우리피데스, episode, anapests)

ἀλλ’ οἵδε δόμων ὑπὲρ ἀκροτάτων φαίνουσι τίνεσ ‐ δαίμονεσ ἢ θεῶν τῶν οὐρανίων; οὐ γὰρ θνητῶν γ’ ἥδε κέλευθοσ· τί ποτ’ ἐσ φανερὰν ὄψιν βαίνουσι βροτοῖσιν; Ἀγαμέμνονοσ παῖ, κλῦθι· δίπτυχοι δέ σε καλοῦσι μητρὸσ σύγγονοι Διόσκοροι, Κάστωρ κασίγνητόσ τε Πολυδεύκησ ὅδε. δεινὸν δὲ ναυσὶν ἀρτίωσ πόντου σάλον παύσαντ’ ἀφίγμεθ’ Ἄργοσ, ὡσ ἐσείδομεν σφαγὰσ ἀδελφῆσ τῆσδε, μητέροσ δὲ σῆσ. δίκαια μέν νυν ἥδ’ ἔχει, σὺ δ’ οὐχὶ δρᾷσ· Φοῖβόσ τε, Φοῖβοσ ‐ ἀλλ’ ἄναξ γάρ ἐστ’ ἐμόσ, σιγῶ· σοφὸσ δ’ ὢν οὐκ ἔχρησέ σοι σοφά. αἰνεῖν δ’ ἀνάγκη ταῦτα· τἀντεῦθεν δὲ χρὴ πράσσειν ἃ Μοῖρα Ζεύσ τ’ ἔκρανε σοῦ πέρι. Πυλάδῃ μὲν Ἠλέκτραν δὸσ ἄλοχον ἐσ δόμουσ, σὺ δ’ Ἄργοσ ἔκλιπ’·

οὐ γὰρ ἔστι σοι πόλιν τήνδ’ ἐμβατεύειν, μητέρα κτείναντι σήν. δειναὶ δὲ κῆρέσ <σ’> αἱ κυνώπιδεσ θεαὶ τροχηλατήσουσ’ ἐμμανῆ πλανώμενον. ἐλθὼν δ’ Ἀθήνασ Παλλάδοσ σεμνὸν βρέτασ πρόσπτυξον· εἱρ́ξει γάρ νιν ἐπτοημένασ δεινοῖσ δράκουσιν ὥστε μὴ ψαύειν σέθεν, γοργῶφ’ ὑπερτείνουσα σῷ κάρᾳ κύκλον. ἔστιν δ’ Ἄρεώσ τισ ὄχθοσ, οὗ πρῶτον θεοὶ ἕζοντ’ ἐπὶ ψήφοισιν αἵματοσ πέρι, Ἁλιρρόθιον ὅτ’ ἔκταν’ ὠμόφρων Ἄρησ, μῆνιν θυγατρὸσ ἀνοσίων νυμφευμάτων, πόντου κρέοντοσ παῖδ’, ἵν’ εὐσεβεστάτη ψῆφοσ βεβαία τ’ ἐστὶν ἔκ τε τοῦ θεοῖσ. ἐνταῦθα καὶ σὲ δεῖ δραμεῖν φόνου πέρι.

ἴσαι δέ σ’ ἐκσῴζουσι μὴ θανεῖν δίκῃ ψῆφοι τεθεῖσαι· Λοξίασ γὰρ αἰτίαν ἐσ αὑτὸν οἴσει, μητέροσ χρήσασ φόνον. καὶ τοῖσι λοιποῖσ ὅδε νόμοσ τεθήσεται, νικᾶν ἴσαισ ψήφοισι τὸν φεύγοντ’ ἀεί. δειναὶ μὲν οὖν θεαὶ τῷδ’ ἄχει πεπληγμέναι πάγον παρ’ αὐτὸν χάσμα δύσονται χθονόσ, σεμνὸν βροτοῖσιν εὐσεβὲσ χρηστήριον· σὲ δ’ Ἀρκάδων χρὴ πόλιν ἐπ’ Ἀλφειοῦ ῥοαῖσ οἰκεῖν Λυκαίου πλησίον σηκώματοσ· ἐπώνυμοσ δὲ σοῦ πόλισ κεκλήσεται. σοὶ μὲν τάδ’ εἶπον·

τόνδε δ’ Αἰγίσθου νέκυν Ἄργουσ πολῖται γῆσ καλύψουσιν τάφῳ. μητέρα δὲ τὴν σὴν ἄρτι Ναυπλίαν παρὼν Μενέλαοσ, ἐξ οὗ Τρωικὴν εἷλε χθόνα, Ἑλένη τε θάψει· Πρωτέωσ γὰρ ἐκ δόμων ἥκει λιποῦσ’ Αἴγυπτον οὐδ’ ἦλθεν Φρύγασ· Ζεὺσ δ’, ὡσ ἔρισ γένοιτο καὶ φόνοσ βροτῶν, εἴδωλον Ἑλένησ ἐξέπεμψ’ ἐσ Ἴλιον. Πυλάδησ μὲν οὖν κόρην τε καὶ δάμαρτ’ ἔχων Ἀχαιίδοσ γῆσ οἴκαδ’ ἐσπορευέτω, καὶ τὸν λόγῳ σὸν πενθερὸν κομιζέτω Φωκέων ἐσ αἰᾶν καὶ δότω πλούτου βάροσ· σὺ δ’ Ἰσθμίασ γῆσ αὐχέν’ ἐμβαίνω ποδὶ χώρει πρὸσ ὄχθον Κεκροπίασ εὐδαίμονα. πεπρωμένην γὰρ μοῖραν ἐκπλήσασ φόνου εὐδαιμονήσεισ τῶνδ’ ἀπαλλαχθεὶσ πόνων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, episode, anapests

(에우리피데스, episode, anapests)

목록

SEARCH

MENU NAVIGATION