헬라어 문장 검색 - ΕυριπίΕλεξτρά05́1́

(에우리피데스, episode, lyric)

ἔμολεσ ἔμολεσ, ὤ, χρόνιοσ ἁμέρα, κατέλαμψασ, ἔδειξασ ἐμφανῆ πόλει πυρσόν, ὃσ παλαιᾷ φυγᾷ πατρίων ἀπὸ δωμάτων τάλασ ἀλαίνων ἔβα. θεὸσ αὖ θεὸσ ἁμετέραν τισ ἄγει νίκαν, ὦ φίλα. ἄνεχε χέρασ, ἄνεχε λόγον, ἱεί λιτὰσ ἐσ θεούσ, τύχᾳ σοι τύχᾳ κασίγνητον ἐμβατεῦσαι πόλιν. εἰε͂̔ν· φίλασ μὲν ἡδονὰσ ἀσπασμάτων ἔχω, χρόνῳ δὲ καὖθισ αὐτὰ δώσομεν. σὺ δ’, ὦ γεραιέ ‐ καίριοσ γὰρ ἤλυθεσ ‐ λέξον, τί δρῶν ἂν φονέα τεισαίμην πατρόσ; μητέρα τε κοινωνὸν ἀνοσίων γάμων; ἔστιν τί μοι κατ’ Ἄργοσ εὐμενὲσ φίλων; ἢ πάντ’ ἀνεσκευάσμεθ’, ὥσπερ αἱ τύχαι; τῷ ξυγγένωμαι; νύχιοσ ἢ καθ’ ἡμέραν; ποίαν ὁδὸν τραπώμεθ’ εἰσ ἐχθροὺσ ἐμούσ; ὦ τέκνον, οὐδεὶσ δυστυχοῦντί σοι φίλοσ. εὑρ́ημα γάρ τοι χρῆμα γίγνεται τόδε, κοινῇ μετασχεῖν τἀγαθοῦ καὶ τοῦ κακοῦ. σὺ δ’ ‐ ἐκ βάθρων γὰρ πᾶσ ἀνῄρησαι φίλοισ οὐδ’ ἐλλέλοιπασ ἐλπίδ’ ‐ ἴσθι μου κλύων, ἐν χειρὶ τῇ σῇ πάντ’ ἔχεισ καὶ τῇ τύχῃ, πατρῷον οἶκον καὶ πόλιν λαβεῖν σέθεν. τί δῆτα δρῶντεσ τοῦδ’ ἂν ἐξικοίμεθα; κτανὼν Θυέστου παῖδα σήν τε μητέρα. ἥκω ’πὶ τόνδε στέφανον· ἀλλὰ πῶσ λάβω; τειχέων μὲν ἐλθὼν ἐντὸσ οὐδ’ ἂν εἰ θέλοισ. φρουραῖσ κέκασται δεξιαῖσ τε δορυφόρων; ἔγνωσ· φοβεῖται γάρ σε κοὐχ εὕδει σαφῶσ. εἰε͂̔ν· σὺ δὴ τοὐνθένδε βούλευσον, γέρον. κἀμοῦ γ’ ἄκουσον· ἄρτι γάρ μ’ ἐσῆλθέ τι. ἐσθλόν τι μηνύσειασ, αἰσθοίμην δ’ ἐγώ. Αἴγισθον εἶδον, ἡνίχ’ εἱρ͂πον ἐνθάδε. προσηκάμην τὸ ῥηθέν. ἐν ποίοισ τόποισ; ἀγρῶν πέλασ τῶνδ’ ἱπποφορβίων ἔπι. τί δρῶνθ’; ὁρῶ γὰρ ἐλπίδ’ ἐξ ἀμηχάνων. Νύμφαισ ἐπόρσυν’ ἔροτιν, ὡσ ἔδοξέ μοι. τροφεῖα παίδων ἢ πρὸ μέλλοντοσ τόκου; οὐκ οἶδα πλὴν ἕν· βουσφαγεῖν ὡπλίζετο. πόσων μετ’ ἀνδρῶν; ἢ μόνοσ δμώων μέτα; οὐδεὶσ παρῆν Ἀργεῖοσ, οἰκεία δὲ χείρ. οὔ πού τισ ὅστισ γνωριεῖ μ’ ἰδών, γέρον; δμῶεσ μέν εἰσιν, οἳ σέ γ’ οὐκ εἶδόν ποτε. ἡμῖν ἂν εἰε͂ν, εἰ κρατοῖμεν, εὐμενεῖσ; δούλων γὰρ ἴδιον τοῦτο, σοὶ δὲ σύμφορον. πῶσ οὖν ἂν αὐτῷ πλησιασθείην ποτέ; στείχων ὅθεν σε βουθυτῶν ἐσόψεται. ὁδὸν παρ’ αὐτήν, ὡσ ἐοίκ’, ἀγροὺσ ἔχει; ὅθεν γ’ ἰδών σε δαιτὶ κοινωνὸν καλεῖ. πικρόν γε συνθοινάτορ’, ἢν θεὸσ θέλῃ. τοὐνθένδε πρὸσ τὸ πῖπτον αὐτὸσ ἐννόει. καλῶσ ἔλεξασ. ‐ ἡ τεκοῦσα δ’ ἐστὶ ποῦ; Ἄργει· παρέσται δ’ οὖν πόσει θοίνην ἔπι. τί δ’ οὐχ ἅμ’ ἐξωρμᾶτ’ ἐμὴ μήτηρ πόσει; ψόγον τρέμουσα δημοτῶν ἐλείπετο. ξυνῆχ’· ὕποπτοσ οὖσα γιγνώσκει πόλει. τοιαῦτα· μισεῖται γὰρ ἀνόσιοσ γυνή. πῶσ οὖν ἐκείνην τόνδε τ’ ἐν ταὐτῷ κτενῶ;

ἐγὼ φόνον γε μητρὸσ ἐξαρτύσομαι. καὶ μὴν ἐκεῖνά γ’ ἡ τύχη θήσει καλῶσ. ὑπηρετείτω μὲν δυοῖν ὄντοιν ὅδε. ἔσται τάδ’· εὑρίσκεισ δὲ μητρὶ πῶσ φόνον; λέγ’, ὦ γεραιέ, τάδε Κλυταιμήστρᾳ μολών· λεχώ μ’ ἀπάγγελλ’ οὖσαν ἄρσενοσ τόκῳ. πότερα πάλαι τεκοῦσαν ἢ νεωστὶ δή; δέχ’ ἡλίουσ, ἐν οἷσιν ἁγνεύει λεχώ. καὶ δὴ τί τοῦτο μητρὶ προσβάλλει φόνον; ἥξει κλύουσα λόχιά μου νοσήματα. πόθεν; τί δ’ αὐτῇ σοῦ μέλειν δοκεῖσ, τέκνον; ναί· καὶ δακρύσει γ’ ἀξίωμ’ ἐμῶν τόκων. ἴσωσ· πάλιν τοι μῦθον ἐσ καμπὴν ἄγε. ἐλθοῦσα μέντοι δῆλον ὡσ ἀπόλλυται. καὶ μὴν ἐπ’ αὐτάσ γ’ εἶσι σῶν δόμων πύλασ. οὐκοῦν τραπέσθαι σμικρὸν εἰσ Αἵδου τόδε; εἰ γὰρ θάνοιμι τοῦτ’ ἰδὼν ἐγώ ποτε. πρώτιστα μέν νυν τῷδ’ ὑφήγησαι, γέρον ‐ Αἴγισθοσ ἔνθα νῦν θυηπολεῖ θεοῖσ; ἔπειτ’ ἀπαντῶν μητρὶ τἀπ’ ἐμοῦ φράσον. ὥστ’ αὐτά γ’ ἐκ σοῦ στόματοσ εἰρῆσθαι δοκεῖν. σὸν ἔργον ἤδη· πρόσθεν εἴληχασ φόνου. στείχοιμ’ ἄν, εἴ τισ ἡγεμὼν γίγνοιθ’ ὁδοῦ. καὶ μὴν ἐγὼ πέμποιμ’ ἂν οὐκ ἀκουσίωσ. ὦ Ζεῦ Πατρῷε, καὶ Τροπαῖ’ ἐχθρῶν γενοῦ ‐ οἴκτιρέ θ’ ἡμᾶσ·

οἰκτρὰ γὰρ πεπόνθαμεν ‐ οἴκτιρε δῆτα σούσ γε φύντασ ἐκγόνουσ. Ἥρα τε, βωμῶν ἣ Μυκηναίων κρατεῖσ ‐ νίκην δὸσ ἡμῖν, εἰ δίκαι’ αἰτούμεθα. δὸσ δῆτα πατρὸσ τοῖσδε τιμωρὸν δίκην. σύ τ’, ὦ κάτω γῆσ ἀνοσίωσ οἰκῶν πάτερ ‐ καὶ Γαῖ’ ἄνασσα, χεῖρασ ᾗ δίδωμ’ ἐμὰσ ‐ ἄμυν’ ἄμυνε τοῖσδε φιλτάτοισ τέκνοισ. νῦν πάντα νεκρὸν ἐλθὲ σύμμαχον λαβών. οἵπερ γε σὺν σοὶ Φρύγασ ἀνήλωσαν δορὶ ‐ χὥσοι στυγοῦσιν ἀνοσίουσ μιάστορασ. ἤκουσασ, ὦ δείν’ ἐξ ἐμῆσ μητρὸσ παθών; πάντ’, οἶδ’, ἀκούει τάδε πατήρ· στείχειν δ’ ἀκμή. καί σοι προφωνῶ πρὸσ τάδ’ Αἴγισθον θανεῖν· ὡσ εἰ παλαισθεὶσ πτῶμα θανάσιμον πεσῇ, τέθνηκα κἀγώ, μηδέ με ζῶσαν λέγε· παίσω γὰρ ἧπαρ τοὐμὸν ἀμφήκει ξίφει. δόμων ἔσω βᾶσ’ εὐτρεπὲσ ποήσομαι. ὡσ ἢν μὲν ἔλθῃ πύστισ εὐτυχὴσ σέθεν, ὀλολύξεται πᾶν δῶμα· θνῄσκοντοσ δέ σου τἀναντί’ ἔσται τῶνδε· ταῦτά σοι λέγω. πάντ’ οἶδα. πρὸσ τάδ’ ἄνδρα γίγνεσθαί σε χρή. ὑμεῖσ δέ μοι, γυναῖκεσ, εὖ πυρσεύετε κραυγὴν ἀγῶνοσ τοῦδε·

φρουρήσω δ’ ἐγὼ πρόχειρον ἔγχοσ χειρὶ βαστάζουσ’ ἐμῇ. οὐ γάρ ποτ’ ἐχθροῖσ τοῖσ ἐμοῖσ νικωμένη δίκην ὑφέξω, σῶμ’ ἐμὸν καθυβρίσαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, episode, lyric

(에우리피데스, episode, lyric)

목록

SEARCH

MENU NAVIGATION