Euripides, episode 3:

(에우리피데스, episode 3:)

βούλομαι γὰρ εἰσιδὼν αὐτοὺσ ἔρεσθαι σοῦ κασιγνήτου πέρι. οἵδ’ ἐκ δόμων βαίνουσι λαιψηρῷ ποδί. ἀλλ’ εὐγενεῖσ μέν, ἐν δὲ κιβδήλῳ τόδε· πολλοὶ γὰρ ὄντεσ εὐγενεῖσ εἰσιν κακοί. ὅμωσ δέ. ‐ χαίρειν τοὺσ ξένουσ προσεννέπω. χαῖρ’, ὦ γεραιέ. ‐ τοῦ ποτ’, Ἠλέκτρα, τόδε παλαιὸν ἀνδρὸσ λείψανον φίλων κυρεῖ; οὗτοσ τὸν ἁμὸν πατέρ’ ἔθρεψεν, ὦ ξένε. τί φῄσ; ὅδ’ ὃσ σὸν ἐξέκλεψε σύγγονον; ὅδ’ ἔσθ’ ὁ σώσασ κεῖνον, εἴπερ ἔστ’ ἔτι. ἐά· τί μ’ ἐσδέδορκεν ὥσπερ ἀργύρου σκοπῶν λαμπρὸν χαρακτῆρ’; ἢ προσεικάζει μέ τῳ; ἴσωσ Ὀρέστου σ’ ἥλιχ’ ἥδεται βλέπων. φίλου γε φωτόσ. τί δὲ κυκλεῖ πέριξ πόδα; καὐτὴ τόδ’ εἰσορῶσα θαυμάζω, ξένε. ὦ πότνι’, εὔχου, θύγατερ Ἠλέκτρα, θεοῖσ. τί τῶν ἀπόντων ἢ τί τῶν ὄντων πέρι; λαβεῖν φίλον θησαυρόν, ὃν φαίνει θεόσ. ἰδού· καλῶ θεούσ. ἢ τί δὴ λέγεισ, γέρον; βλέψον νυν ἐσ τόνδ’, ὦ τέκνον, τὸν φίλτατον. πάλαι δέδορκα, μὴ σύ γ’ οὐκέτ’ εὖ φρονῇσ. οὐκ εὖ φρονῶ ’γὼ σὸν κασίγνητον βλέπων; πῶσ εἶπασ, ὦ γεραί’, ἀνέλπιστον λόγον; ὁρᾶν Ὀρέστην τόνδε τὸν Ἀγαμέμνονοσ. ποῖον χαρακτῆρ’ εἰσιδών, ᾧ πείσομαι; οὐλὴν παρ’ ὀφρύν, ἥν ποτ’ ἐν πατρὸσ δόμοισ νεβρὸν διώκων σοῦ μέθ’ ᾑμάχθη πεσών. πῶσ φῄσ; ὁρῶ μὲν πτώματοσ τεκμήριον. ἔπειτα μέλλεισ προσπίτνειν τοῖσ φιλτάτοισ; ἀλλ’ οὐκέτ’, ὦ γεραιέ· συμβόλοισι γὰρ τοῖσ σοῖσ πέπεισμαι θυμόν. ‐ ὦ χρόνῳ φανείσ, ἔχω σ’ ἀέλπτωσ ‐ κἀξ ἐμοῦ γ’ ἔχῃ χρόνῳ. οὐδέποτε δόξασα. οὐδ’ ἐγὼ γὰρ ἤλπισα. ἐκεῖνοσ εἶ σύ; σύμμαχόσ γέ σοι μόνοσ. ἢν δ’ ἀνσπάσωμαί γ’ ὃν μετέρχομαι βόλον ‐ πέποιθα δ’· ἢ χρὴ μηκέθ’ ἡγεῖσθαι θεούσ, εἰ τἄδικ’ ἔσται τῆσ δίκησ ὑπέρτερα.

목록

일치하는 문장이 없습니다.

SEARCH

MENU NAVIGATION