헬라어 문장 검색 - ΕυριπίΕλεξτρά05́0́1́

(에우리피데스, episode 1:)

ὦ θύγατερ ‐ ἄρτι γάρ σε πρὸσ δόμοισ ὁρῶ ‐ ἥκω φέρων σοι τῶν ἐμῶν βοσκημάτων ποίμνησ νεογνὸν θρέμμ’ ὑποσπάσασ τόδε στεφάνουσ τε τευχέων τ’ ἐξελὼν τυρεύματα, παλαιόν τε θησαύρισμα Διονύσου τόδε ὀσμῇ κατῆρεσ, μικρόν, ἀλλ’ ἐπεσβαλεῖν ἡδὺ σκύφον τοῦδ’ ἀσθενεστέρῳ ποτῷ. ἴτω φέρων τισ τοῖσ ξένοισ τάδ’ ἐσ δόμουσ· ἐγὼ δὲ τρύχει τῷδ’ ἐμῶν πέπλων κόρασ δακρύοισι τέγξασ ἐξομόρξασθαι θέλω. τί δ’, ὦ γεραιέ, διάβροχον τόδ’ ὄμμ’ ἔχεισ; μῶν τἀμὰ διὰ χρόνου σ’ ἀνέμνησεν κακά; ἢ τὰσ Ὀρέστου τλήμονασ φυγὰσ στένεισ καὶ πατέρα τὸν ἐμόν, ὅν ποτ’ ἐν χεροῖν ἔχων ἀνόνητ’ ἔθρεψασ σοί τε καὶ τοῖσ σοῖσ φίλοισ; ἀνόνηθ’· ὅμωσ δ’ οὖν τοῦτό γ’ οὐκ ἠνεσχόμην. ἦλθον γὰρ αὐτοῦ πρὸσ τάφον πάρεργ’ ὁδοῦ καὶ προσπεσὼν ἔκλαυσ’ ἐρημίασ τυχών, σπονδάσ τε, λύσασ ἀσκὸν ὃν φέρω ξένοισ, ἔσπεισα, τύμβῳ δ’ ἀμφέθηκα μυρσίνασ. πυρᾶσ δ’ ἐπ’ αὐτῆσ οἶν μελάγχιμον πόκῳ σφάγιον ἐσεῖδον αἷμά τ’ οὐ πάλαι χυθὲν ξανθῆσ τε χαίτησ βοστρύχουσ κεκαρμένουσ. κἀθαύμασ’, ὦ παῖ, τίσ ποτ’ ἀνθρώπων ἔτλη πρὸσ τύμβον ἐλθεῖν· οὐ γὰρ Ἀργείων γέ τισ. ἀλλ’ ἦλθ’ ἴσωσ που σὸσ κασίγνητοσ λάθρᾳ, μολὼν δ’ ἐθαύμασ’ ἄθλιον τύμβον πατρόσ. σκέψαι δὲ χαίτην προστιθεῖσα σῇ κόμῃ, εἰ χρῶμα ταὐτὸν κουρίμησ ἔσται τριχόσ· φιλεῖ γάρ, αἷμα ταὐτὸν οἷσ ἂν ᾖ πατρόσ, τὰ πόλλ’ ὅμοια σώματοσ πεφυκέναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Euripides, episode 1:

(에우리피데스, episode 1:)

목록

SEARCH

MENU NAVIGATION