헬라어 문장 검색 - ΕυριπίΒαξξηαέ13́00́06́

(에우리피데스, episode 6:)

ταῦτ’ οὐχὶ θνητοῦ πατρὸσ ἐκγεγὼσ λέγω Διόνυσοσ, ἀλλὰ Ζηνόσ· εἰ δὲ σωφρονεῖν ἔγνωθ’, ὅτ’ οὐκ ἠθέλετε, τὸν Διὸσ γόνον εὐδαιμονεῖτ’ ἂν σύμμαχον κεκτημένοι. Διόνυσε, λισσόμεσθά σ’, ἠδικήκαμεν. ὄψ’ ἐμάθεθ’ ἡμᾶσ, ὅτε δὲ χρῆν, οὐκ ᾔδετε. ἐγνώκαμεν ταῦτ’· ἀλλ’ ἐπεξέρχῃ λίαν. καὶ γὰρ πρὸσ ὑμῶν θεὸσ γεγὼσ ὑβριζόμην. ὀργὰσ πρέπει θεοὺσ οὐχ ὁμοιοῦσθαι βροτοῖσ. πάλαι τάδε Ζεὺσ οὑμὸσ ἐπένευσεν πατήρ. αἰαῖ, δέδοκται, πρέσβυ, τλήμονεσ φυγαί. τί δῆτα μέλλεθ’ ἅπερ ἀναγκαίωσ ἔχει; ὦ τέκνον, ὡσ ἐσ δεινὸν ἤλθομεν κακὸν <πάντεσ,> σύ θ’ ἡ τάλαινα σύγγονοί τε σαί, ἐγώ θ’ ὁ τλήμων· βαρβάρουσ ἀφίξομαι γέρων μέτοικοσ· ἔτι δέ μοι τὸ θέσφατον ἐσ Ἑλλάδ’ ἀγαγεῖν μιγάδα βάρβαρον στρατόν. καὶ τὴν Ἄρεωσ παῖδ’ Ἁρμονίαν, δάμαρτ’ ἐμήν, δράκων δρακαίνησ <φύσιν> ἔχουσαν ἀγρίαν ἄξω ’πὶ βωμοὺσ καὶ τάφουσ Ἑλληνικούσ, ἡγούμενοσ λόγχαισιν· οὐδὲ παύσομαι κακῶν ὁ τλήμων, οὐδὲ τὸν καταιβάτην Ἀχέροντα πλεύσασ ἥσυχοσ γενήσομαι. ὦ πάτερ, ἐγὼ δὲ σοῦ στερεῖσα φεύξομαι. τί μ’ ἀμφιβάλλεισ χερσίν, ὦ τάλαινα παῖ, ὄρνισ ὅπωσ κηφῆνα πολιόχρων κύκνοσ; ποῖ γὰρ τράπωμαι πατρίδοσ ἐκβεβλημένη; οὐκ οἶδα, τέκνον· μικρὸσ ἐπίκουροσ πατήρ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, episode 6:

(에우리피데스, episode 6:)

목록

SEARCH

MENU NAVIGATION