Euripides, episode 6:

(에우리피데스, episode 6:)

ταῦτ’ οὐχὶ θνητοῦ πατρὸσ ἐκγεγὼσ λέγω Διόνυσοσ, ἀλλὰ Ζηνόσ· εἰ δὲ σωφρονεῖν ἔγνωθ’, ὅτ’ οὐκ ἠθέλετε, τὸν Διὸσ γόνον εὐδαιμονεῖτ’ ἂν σύμμαχον κεκτημένοι. Διόνυσε, λισσόμεσθά σ’, ἠδικήκαμεν. ὄψ’ ἐμάθεθ’ ἡμᾶσ, ὅτε δὲ χρῆν, οὐκ ᾔδετε. ἐγνώκαμεν ταῦτ’· ἀλλ’ ἐπεξέρχῃ λίαν. καὶ γὰρ πρὸσ ὑμῶν θεὸσ γεγὼσ ὑβριζόμην. ὀργὰσ πρέπει θεοὺσ οὐχ ὁμοιοῦσθαι βροτοῖσ. πάλαι τάδε Ζεὺσ οὑμὸσ ἐπένευσεν πατήρ. αἰαῖ, δέδοκται, πρέσβυ, τλήμονεσ φυγαί. τί δῆτα μέλλεθ’ ἅπερ ἀναγκαίωσ ἔχει; ὦ τέκνον, ὡσ ἐσ δεινὸν ἤλθομεν κακὸν <πάντεσ,> σύ θ’ ἡ τάλαινα σύγγονοί τε σαί, ἐγώ θ’ ὁ τλήμων· βαρβάρουσ ἀφίξομαι γέρων μέτοικοσ· ἔτι δέ μοι τὸ θέσφατον ἐσ Ἑλλάδ’ ἀγαγεῖν μιγάδα βάρβαρον στρατόν. καὶ τὴν Ἄρεωσ παῖδ’ Ἁρμονίαν, δάμαρτ’ ἐμήν, δράκων δρακαίνησ <φύσιν> ἔχουσαν ἀγρίαν ἄξω ’πὶ βωμοὺσ καὶ τάφουσ Ἑλληνικούσ, ἡγούμενοσ λόγχαισιν· οὐδὲ παύσομαι κακῶν ὁ τλήμων, οὐδὲ τὸν καταιβάτην Ἀχέροντα πλεύσασ ἥσυχοσ γενήσομαι. ὦ πάτερ, ἐγὼ δὲ σοῦ στερεῖσα φεύξομαι. τί μ’ ἀμφιβάλλεισ χερσίν, ὦ τάλαινα παῖ, ὄρνισ ὅπωσ κηφῆνα πολιόχρων κύκνοσ; ποῖ γὰρ τράπωμαι πατρίδοσ ἐκβεβλημένη; οὐκ οἶδα, τέκνον· μικρὸσ ἐπίκουροσ πατήρ.

목록

일치하는 문장이 없습니다.

SEARCH

MENU NAVIGATION