Euripides, episode, lyric 8:

(에우리피데스, episode, lyric 8:)

ἣ δ’ ἀφρὸν ἐξιεῖσα καὶ διαστρόφουσ κόρασ ἑλίσσουσ’, οὐ φρονοῦσ’ ἃ χρὴ φρονεῖν, ἐκ Βακχίου κατείχετ’, οὐδ’ ἔπειθέ νιν. λαβοῦσα δ’ ὠλένησ ἀριστερὰν χέρα, πλευραῖσιν ἀντιβᾶσα τοῦ δυσδαίμονοσ ἀπεσπάραξεν ὦμον, οὐχ ὑπὸ σθένουσ, ἀλλ’ ὁ θεὸσ εὐμάρειαν ἐπεδίδου χεροῖν· Ἰνὼ δὲ τἀπὶ θάτερ’ ἐξειργάζετο, ῥηγνῦσα σάρκασ, Αὐτονόη τ’ ὄχλοσ τε πᾶσ ἐπεῖχε βακχῶν· ἦν δὲ πᾶσ’ ὁμοῦ βοή, ὃ μὲν στενάζων ὅσον ἐτύγχαν’ ἐμπνέων, αἳ δ’ ἠλάλαζον. ἔφερε δ’ ἣ μὲν ὠλένην, ἣ δ’ ἴχνοσ αὐταῖσ ἀρβύλαισ· γυμνοῦντο δὲ πλευραὶ σπαραγμοῖσ· πᾶσα δ’ ᾑματωμένη χεῖρασ διεσφαίριζε σάρκα Πενθέωσ.

일치하는 문장이 없습니다.

SEARCH

MENU NAVIGATION