Euripides, episode, trochees 4:

(에우리피데스, episode, trochees 4:)

ἡ σὴ δὲ μήτηρ ὠλόλυξεν ἐν μέσαισ σταθεῖσα βάκχαισ, ἐξ ὕπνου κινεῖν δέμασ, μυκήμαθ’ ὡσ ἤκουσε κεροφόρων βοῶν. ὥστ’, εἰ παρῆσθα, τὸν θεὸν τὸν νῦν ψέγεισ εὐχαῖσιν ἂν μετῆλθεσ εἰσιδὼν τάδε. αἳ δ’ ἀποβαλοῦσαι θαλερὸν ὀμμάτων ὕπνον ἀνῇξαν ὀρθαί, θαῦμ’ ἰδεῖν εὐκοσμίασ, νέαι παλαιαὶ παρθένοι τ’ ἔτ’ ἄζυγεσ. καὶ πρῶτα μὲν καθεῖσαν εἰσ ὤμουσ κόμασ νεβρίδασ τ’ ἀνεστείλανθ’ ὅσαισιν ἁμμάτων σύνδεσμ’ ἐλέλυτο, καὶ καταστίκτουσ δορὰσ ὄφεσι κατεζώσαντο λιχμῶσιν γένυν. αἳ δ’ ἀγκάλαισι δορκάδ’ ἢ σκύμνουσ λύκων ἀγρίουσ ἔχουσαι λευκὸν ἐδίδοσαν γάλα, ὅσαισ νεοτόκοισ μαστὸσ ἦν σπαργῶν ἔτι βρέφη λιπούσαισ· ἐπὶ δ’ ἔθεντο κισσίνουσ στεφάνουσ δρυόσ τε μίλακόσ τ’ ἀνθεσφόρου. θύρσον δέ τισ λαβοῦσ’ ἔπαισεν ἐσ πέτραν, ὅθεν δροσώδησ ὕδατοσ ἐκπηδᾷ νοτίσ· ἄλλη δὲ νάρθηκ’ ἐσ πέδον καθῆκε γῆσ, καὶ τῇδε κρήνην ἐξανῆκ’ οἴνου θεόσ· ὅσαισ δὲ λευκοῦ πώματοσ πόθοσ παρῆν, ἄκροισι δακτύλοισι διαμῶσαι χθόνα γάλακτοσ ἑσμοὺσ εἶχον· ἐκ δὲ κισσίνων θύρσων γλυκεῖαι μέλιτοσ ἔσταζον ῥοαί.

일치하는 문장이 없습니다.

SEARCH

MENU NAVIGATION