Euripides, episode, trochees 3:

ἀγελαῖα μὲν βοσκήματ’ ἄρτι πρὸσ λέπασ μόσχων ὑπεξήκριζον, ἡνίχ’ ἥλιοσ ἀκτῖνασ ἐξίησι θερμαίνων χθόνα. ὁρῶ δὲ θιάσουσ τρεῖσ γυναικείων χορῶν, ὧν ἦρχ’ ἑνὸσ μὲν Αὐτονόη, τοῦ δευτέρου μήτηρ Ἀγαύη σή, τρίτου δ’ Ἰνὼ χοροῦ. ηὗδον δὲ πᾶσαι σώμασιν παρειμέναι, αἳ μὲν πρὸσ ἐλάτησ νῶτ’ ἐρείσασαι φόβην, αἳ δ’ ἐν δρυὸσ φύλλοισι πρὸσ πέδῳ κάρα εἰκῇ βαλοῦσαι σωφρόνωσ, οὐχ ὡσ σὺ φῂσ ᾠνωμένασ κρατῆρι καὶ λωτοῦ ψόφῳ θηρᾶν καθ’ ὕλην Κύπριν ἠρημωμένασ.