Euripides, episode, trochees

(에우리피데스, episode, trochees)

ταῦτα καὶ καθύβρισ’ αὐτόν, ὅτι με δεσμεύειν δοκῶν οὔτ’ ἔθιγεν οὔθ’ ἥψαθ’ ἡμῶν, ἐλπίσιν δ’ ἐβόσκετο. πρὸσ φάτναισ δὲ ταῦρον εὑρών, οὗ καθεῖρξ’ ἡμᾶσ ἄγων, τῷδε περὶ βρόχουσ ἔβαλλε γόνασι καὶ χηλαῖσ ποδῶν, θυμὸν ἐκπνέων, ἱδρῶτα σώματοσ στάζων ἄπο, χείλεσιν διδοὺσ ὀδόντασ· πλησίον δ’ ἐγὼ παρὼν ἥσυχοσ θάσσων ἔλευσσον. ἐν δὲ τῷδε τῷ χρόνῳ ἀνετίναξ’ ἐλθὼν ὁ Βάκχοσ δῶμα καὶ μητρὸσ τάφῳ πῦρ ἀνῆψ’· ὃ δ’ ὡσ ἐσεῖδε, δώματ’ αἴθεσθαι δοκῶν, ᾖσσ’ ἐκεῖσε κᾆτ’ ἐκεῖσε, δμωσὶν Ἀχελῷον φέρειν ἐννέπων, ἅπασ δ’ ἐν ἔργῳ δοῦλοσ ἦν, μάτην πονῶν. διαμεθεὶσ δὲ τόνδε μόχθον, ὡσ ἐμοῦ πεφευγότοσ, ἱέται ξίφοσ κελαινὸν ἁρπάσασ δόμων ἔσω. κᾆθ’ ὁ Βρόμιοσ, ὡσ ἔμοιγε φαίνεται, δόξαν λέγω, φάσμ’ ἐποίησεν κατ’ αὐλήν· ὃ δ’ ἐπὶ τοῦθ’ ὡρμημένοσ ᾖσσε κἀκέντει φαεννὸν <αἰθέρ’>, ὡσ σφάζων ἐμέ. πρὸσ δὲ τοῖσδ’ αὐτῷ τάδ’ ἄλλα Βάκχιοσ λυμαίνεται· δώματ’ ἔρρηξεν χαμᾶζε· συντεθράνωται δ’ ἅπαν πικροτάτουσ ἰδόντι δεσμοὺσ τοὺσ ἐμούσ· κόπου δ’ ὕπο διαμεθεὶσ ξίφοσ παρεῖται· πρὸσ θεὸν γὰρ ὢν ἀνὴρ ἐσ μάχην ἐλθεῖν ἐτόλμησε. ἥσυχοσ δ’ ἐκβὰσ ἐγὼ δωμάτων ἥκω πρὸσ ὑμᾶσ, Πενθέωσ οὐ φροντίσασ.

일치하는 문장이 없습니다.

SEARCH

MENU NAVIGATION