헬라어 문장 검색 - ΕυριπίΒαξξηαέ07́15́00́

(에우리피데스, episode, trochees)

ταῦτα καὶ καθύβρισ’ αὐτόν, ὅτι με δεσμεύειν δοκῶν οὔτ’ ἔθιγεν οὔθ’ ἥψαθ’ ἡμῶν, ἐλπίσιν δ’ ἐβόσκετο. πρὸσ φάτναισ δὲ ταῦρον εὑρών, οὗ καθεῖρξ’ ἡμᾶσ ἄγων, τῷδε περὶ βρόχουσ ἔβαλλε γόνασι καὶ χηλαῖσ ποδῶν, θυμὸν ἐκπνέων, ἱδρῶτα σώματοσ στάζων ἄπο, χείλεσιν διδοὺσ ὀδόντασ· πλησίον δ’ ἐγὼ παρὼν ἥσυχοσ θάσσων ἔλευσσον. ἐν δὲ τῷδε τῷ χρόνῳ ἀνετίναξ’ ἐλθὼν ὁ Βάκχοσ δῶμα καὶ μητρὸσ τάφῳ πῦρ ἀνῆψ’· ὃ δ’ ὡσ ἐσεῖδε, δώματ’ αἴθεσθαι δοκῶν, ᾖσσ’ ἐκεῖσε κᾆτ’ ἐκεῖσε, δμωσὶν Ἀχελῷον φέρειν ἐννέπων, ἅπασ δ’ ἐν ἔργῳ δοῦλοσ ἦν, μάτην πονῶν. διαμεθεὶσ δὲ τόνδε μόχθον, ὡσ ἐμοῦ πεφευγότοσ, ἱέται ξίφοσ κελαινὸν ἁρπάσασ δόμων ἔσω. κᾆθ’ ὁ Βρόμιοσ, ὡσ ἔμοιγε φαίνεται, δόξαν λέγω, φάσμ’ ἐποίησεν κατ’ αὐλήν· ὃ δ’ ἐπὶ τοῦθ’ ὡρμημένοσ ᾖσσε κἀκέντει φαεννὸν <αἰθέρ’>, ὡσ σφάζων ἐμέ. πρὸσ δὲ τοῖσδ’ αὐτῷ τάδ’ ἄλλα Βάκχιοσ λυμαίνεται· δώματ’ ἔρρηξεν χαμᾶζε· συντεθράνωται δ’ ἅπαν πικροτάτουσ ἰδόντι δεσμοὺσ τοὺσ ἐμούσ· κόπου δ’ ὕπο διαμεθεὶσ ξίφοσ παρεῖται· πρὸσ θεὸν γὰρ ὢν ἀνὴρ ἐσ μάχην ἐλθεῖν ἐτόλμησε. ἥσυχοσ δ’ ἐκβὰσ ἐγὼ δωμάτων ἥκω πρὸσ ὑμᾶσ, Πενθέωσ οὐ φροντίσασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Euripides, episode, trochees

(에우리피데스, episode, trochees)

목록

SEARCH

MENU NAVIGATION