Euripides, choral, epode

(에우리피데스, choral, epode)

ἡδὺσ ἐν ὄρεσιν, ὅταν ἐκ θιάσων δρομαί‐ ων πέσῃ πεδόσε, νε‐ βρίδοσ ἔχων ἱερὸν ἐνδυτόν, ἀγρεύων αἷμα τραγοκτόνον, ὠμοφάγον χάριν, ἱέμε‐ νοσ ἐσ ὄρεα Φρύγια, Λύδι’, ὁ δ’ ἔξαρχοσ Βρόμιοσ, εὐοἷ. ῥεῖ δὲ γάλακτι πέδον, ῥεῖ δ’ οἴνῳ, ῥεῖ δὲ μελισσᾶν νέκταρι. Συρίασ δ’ ὡσ λιβάνου κα‐ πνὸν ὁ Βακχεὺσ ἀνέχων πυρσώδη φλόγα πεύκασ ἐκ νάρθηκοσ ἀίσσει δρόμῳ καὶ χοροῖσιν πλανάτασ ἐρεθίζων ἰαχαῖσ τ’ ἀναπάλλων, τρυφερόν <τε> πλόκαμον εἰσ αἰθέρα ῥίπτων. ἅμα δ’ εὐάσμασι τοιάδ’ ἐπιβρέμει· Ὦ ἴτε βάκχαι, ὦ ἴτε βάκχαι, Τμώλου χρυσορόου χλιδᾷ μέλπετε τὸν Διόνυσον βαρυβρόμων ὑπὸ τυμπάνων, εὐιά τὸν εὐιόν ἀγαλλόμεναι θεὸν ἐν Φρυγίαισι βοαῖσ ἐνοπαῖσί τε, λωτὸσ ὅταν εὐκέλαδοσ ἱερὸσ ἱερὰ παίγματα βρέμῃ, σύνοχα φοιτάσιν εἰσ ὄροσ εἰσ ὄροσ· ἡδομέ‐ να δ’ ἄρα, πῶλοσ ὅπωσ ἅμα ματέρι φορβάδι, κῶλον ἄγει ταχύπουν σκιρτήμασι βάκχα.

일치하는 문장이 없습니다.

SEARCH

MENU NAVIGATION