Euripides, choral, antistrophe 2

ὦ θαλάμευμα Κουρή‐ των ζάθεοί τε Κρήτασ Διογενέτορεσ ἔναυλοι, ἔνθα τρικόρυθεσ ἄντροισ βυρσότονον κύκλωμα τόδε μοι Κορύβαντεσ ηὑρ͂ον· βακχείᾳ δ’ ἀνὰ συντόνῳ κέρασαν ἁδυβόᾳ Φρυγίων αὐλῶν πνεύματι ματρόσ τε Ῥέασ ἐσ χέρα θῆκαν, κτύπον εὐάσμασι Βακχᾶν· παρὰ δὲ μαινόμενοι Σάτυροι ματέροσ ἐξανύσαντο θεᾶσ, ἐσ δὲ χορεύματα συνῆψαν τριετηρίδων, αἷσ χαίρει Διόνυσοσ.