헬라어 문장 검색 - Ευξλιδ́Ελεμεντ́01́1́

(유클리드, Elements, book 1, type Def)

Σημεῖόν ἐστιν, οὗ μέροσ οὐθέν. Γραμμὴ δὲ μῆκοσ ἀπλατέσ. Γραμμῆσ δὲ πέρατα σημεῖα. Εὐθεῖα γραμμή ἐστιν, ἥτισ ἐξ ἴσου τοῖσ ἐφ’ ἑαυτῆσ σημείοισ κεῖται. Ἐπιφάνεια δέ ἐστιν, ὃ μῆκοσ καὶ πλάτοσ μόνον ἔχει. Ἐπιφανείασ δὲ πέρατα γραμμαί. Ἐπίπεδοσ ἐπιφάνειά ἐστιν, ἥτισ ἐξ ἴσου ταῖσ ἐφ’ ἑαυτῆσ εὐθείαισ κεῖται. Ἐπίπεδοσ δὲ γωνία ἐστὶν ἡ ἐν ἐπιπέδῳ δύο γραμμῶν ἁπτομένων ἀλλήλων καὶ μὴ ἐπ’ εὐθείασ κειμένων πρὸσ ἀλλήλασ τῶν γραμμῶν κλίσισ. Ὅταν δὲ αἱ περιέχουσαι τὴν γωνίαν γραμμαὶ εὐθεῖαι ὦσιν, εὐθύγραμμοσ καλεῖται ἡ γωνία. Ὅταν δὲ εὐθεῖα ἐπ’ εὐθεῖαν σταθεῖσα τὰσ ἐφεξῆσ γωνίασ ἴσασ ἀλλήλαισ ποιῇ, ὀρθὴ ἑκατέρα τῶν ἴσων γωνιῶν ἐστι, καὶ ἡ ἐφεστηκυῖα εὐθεῖα κάθετοσ καλεῖται, ἐφ’ ἣν ἐφέστηκεν. Ἀμβλεῖα γωνία ἐστὶν ἡ μείζων ὀρθῆσ. Ὀξεῖα δὲ ἡ ἐλάσσων ὀρθῆσ. Ὅροσ ἐστίν, ὅ τινόσ ἐστι πέρασ. Σχῆμά ἐστι τὸ ὑπό τινοσ ἤ τινων ὁρ́ων περιεχόμενον. Κύκλοσ ἐστὶ σχῆμα ἐπίπεδον ὑπὸ μιᾶσ γραμμῆσ περιεχόμενον [ἣ καλεῖται περιφέρεια], πρὸσ ἣν ἀφ’ ἑνὸσ σημείου τῶν ἐντὸσ τοῦ σχήματοσ κειμένων πᾶσαι αἱ προσπίπτουσαι εὐθεῖαι [πρὸσ τὴν τοῦ κύκλου περιφέρειαν] ἴσαι ἀλλήλαισ εἰσίν. Κέντρον δὲ τοῦ κύκλου τὸ σημεῖον καλεῖται. Διάμετροσ δὲ τοῦ κύκλου ἐστὶν εὐθεῖά τισ διὰ τοῦ κέντρου ἠγμένη καὶ περατουμένη ἐφ’ ἑκάτερα τὰ μέρη ὑπὸ τῆσ τοῦ κύκλου περιφερείασ, ἥτισ καὶ δίχα τέμνει τὸν κύκλον. Ἡμικύκλιον δέ ἐστι τὸ περιεχόμενον σχῆμα ὑπό τε τῆσ διαμέτρου καὶ τῆσ ἀπολαμβανομένησ ὑπ’ αὐτῆσ περιφερείασ. κέντρον δὲ τοῦ ἡμικυκλίου τὸ αὐτό, ὃ καὶ τοῦ κύκλου ἐστίν. Σχήματα εὐθύγραμμά ἐστι τὰ ὑπὸ εὐθειῶν περιεχόμενα, τρίπλευρα μὲν τὰ ὑπὸ τριῶν, τετράπλευρα δὲ τὰ ὑπὸ τεσσάρων, πολύπλευρα δὲ τὰ ὑπὸ πλειόνων ἢ τεσσάρων εὐθειῶν περιεχόμενα. Τῶν δὲ τριπλεύρων σχημάτων ἰσόπλευρον μὲν τρίγωνόν ἐστι τὸ τὰσ τρεῖσ ἴσασ ἔχον πλευράσ, ἰσοσκελὲσ δὲ τὸ τὰσ δύο μόνασ ἴσασ ἔχον πλευράσ, σκαληνὸν δὲ τὸ τὰσ τρεῖσ ἀνίσουσ ἔχον πλευράσ. Ἔτι δὲ τῶν τριπλεύρων σχημάτων ὀρθογώνιον μὲν τρίγωνόν ἐστι τὸ ἔχον ὀρθὴν γωνίαν, ἀμβλυγώνιον δὲ τὸ ἔχον ἀμβλεῖαν γωνίαν, ὀξυγώνιον δὲ τὸ τὰσ τρεῖσ ὀξείασ ἔχον γωνίασ. Τῶν δὲ τετραπλεύρων σχημάτων τετράγωνον μέν ἐστιν, ὃ ἰσόπλευρόν τέ ἐστι καὶ ὀρθογώνιον, ἑτερόμηκεσ δέ, ὃ ὀρθογώνιον μέν, οὐκ ἰσόπλευρον δέ, ῥόμβοσ δέ, ὃ ἰσόπλευρον μέν, οὐκ ὀρθογώνιον δέ, ῥομβοειδὲσ δὲ τὸ τὰσ ἀπεναντίον πλευράσ τε καὶ γωνίασ ἴσασ ἀλλήλαισ ἔχον, ὃ οὔτε ἰσόπλευρόν ἐστιν οὔτε ὀρθογώνιον· τὰ δὲ παρὰ ταῦτα τετράπλευρα τραπέζια καλείσθω. Παράλληλοί εἰσιν εὐθεῖαι, αἵτινεσ ἐν τῷ αὐτῷ ἐπιπέδῳ οὖσαι καὶ ἐκβαλλόμεναι εἰσ ἄπειρον ἐφ’ ἑκάτερα τὰ μέρη ἐπὶ μηδέτερα συμπίπτουσιν ἀλλήλαισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euclid, Elements, book 1, type Def

(유클리드, Elements, book 1, type Def)

상위

목록

SEARCH

MENU NAVIGATION