헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 19, chapter 18)

ἂν ταῦτα λέγοντεσ ἐκγράψωσί με τῆσ βουλῆσ καὶ μεταγάγωσιν εἰσ τὰσ τῶν ἀτίμων φυλάσ, τί πρὸσ αὐτοὺσ ἕξω λέγειν δίκαιον ἢ ποιεῖν; καὶ τοὺσ ἐξ ἐμαυτοῦ πάντασ περιλαβών;

σοὶ δὲ αὐτῷ τί χρήσιμοσ ἔτι φανήσομαι τὸ δύνασθαί τι καὶ τιμᾶσθαι παρὰ τοῖσ πολίταισ ἀποβαλών, δι’ ἃ νῦν ἐσπούδακασ περὶ ἐμοῦ;

λείπεται δὴ τὸν οὐδεμίαν ἔτι χώραν ἐν τῇ πατρίδι κατέχειν δυνάμενον ἀπιέναι πανοικεσίᾳ, τὰσ ἀσχήμονασ αὑτοῦ καταγνόντα φυγάσ. ἔπειτα ποῦ τὸν λοιπὸν ἔσομαι χρόνον;

ἢ τίσ ὑποδέξεταί με τόποσ ἀπαρρησίαστον γενόμενον ὥσπερ εἰκόσ; ἡ σὴ βασιλεία, νὴ Δία, καὶ παρέξεισ μοι σὺ τὴν τυραννικὴν ἅπασαν εὐδαιμονίαν; καὶ τί μοι τηλικοῦτο δώσεισ ἀγαθόν, ὅσον ἀφελεῖ τὸ πάντων τιμιώτατον κτημάτων ἀφελόμενοσ, τὴν ἐλευθερίαν; πῶσ δ’ ἂν ὑπομεῖναι δυναίμην ἐγὼ τοῦ βίου μεταβολὴν ὀψὲ δουλεύειν διδασκόμενοσ;

ὅπου γὰρ οἱ γεννηθέντεσ ἐν βασιλείαισ καὶ τυραννίσιν, ὅταν εὐγενῶσ ἔχωσι, τῆσ ἐλευθερίασ γλίχονται καὶ πάνθ’ ἡγοῦνται τἀγαθὰ ταύτησ ἐλάττω, ἦ που οἱ ἐν ἐλευθέρᾳ καὶ ἑτέρων ἄρχειν μαθούσῃ πόλει βιώσαντεσ πρᾴωσ οἴσουσι τὴν ἐκ τῶν κρειττόνων ἐπὶ τὰ χείρω μεταβολήν, ἐξ ἐλευθέρων ὑπομείναντεσ δοῦλοι γενέσθαι, ἵνα λαμπρὰσ παρατιθῶνται καθ’ ἡμέραν τραπέζασ καὶ πολλοὺσ θεράποντασ περιάγωνται καὶ γυναικῶν καὶ παίδων εὐπρεπῶν ἀφειδεῖσ ἀπολαύσεισ λαμβάνωσιν, ὥσπερ ἐν τούτοισ τῆσ ἀνθρωπίνησ εὐδαιμονίασ κειμένησ, ἀλλ’ οὐκ ἐν ἀρετῇ; αὐτῶν δὲ τούτων, ἵνα συγχωρήσῃ τισ αὐτὰ πολλῆσ εἶναι σπουδῆσ ἄξια, τίσ γένοιτ’ ἂν ἱλαρὰ χρῆσισ οὐκ ἔχουσα τὸ βέβαιον;

ἐφ’ ὑμῖν γάρ ἐστι τοῖσ παρέχουσι τὰσ ἡδονὰσ ταύτασ, ὅταν αὐτοὶ θέλητε, πάλιν αὐτὰσ ἀφαιρεῖσθαι. ἐῶ γὰρ λέγειν τοὺσ φθόνουσ, τὰσ διαβολάσ, τὸ μηδένα χρόνον ἄνευ κινδύνου καὶ φόβου ζῆν, τἆλλα πολλά, ὅσα φέρει χαλεπὰ καὶ οὐκ ἄξια γενναίου φρονήματοσ ὁ παρὰ τοῖσ βασιλεῦσι βίοσ. μὴ τοσαύτη μανία κατάσχοι Φαβρίκιον, ὥστε τὴν περιβόητον καταλιπόντα Ῥώμην τὸν ἐν Ἠπείρῳ προελέσθαι βίον, καὶ ἐξὸν ἡγεμόνοσ ἡγεῖσθαι πόλεωσ ὑφ’ ἑνὸσ ἀνδρὸσ ἄρχεσθαι μηθὲν ἴσον τοῖσ ἄλλοισ φρονοῦντοσ καὶ τὰ πρὸσ ἡδονὴν ἀκούειν παρὰ πάντων ἐθισθέντοσ.

ἀλλάξαι μέν γε τὸ φρόνημα καὶ ταπεινὸν ἐμαυτὸν ποιῆσαι βουλόμενοσ, ἵνα μηδὲν ὑποπτεύῃσ ἐξ ἐμοῦ κακόν, οὐκ ἂν δυναίμην·

διαμένων δὲ τοιοῦτοσ, οἱο͂ν ἡ φύσισ καὶ τὰ ἔθη πεποίηκέ με, βαρὺσ φανήσομαί σοι καὶ περισπᾶν δόξω τὴν ἡγεμονίαν εἰσ ἐμαυτόν. τὸ δ’ ὅλον ἔχω σοι παραινεῖν, μὴ ὅτι Φαβρίκιον, ἀλλὰ μηδ’ ἄλλον μηδένα δέχεσθαι τῇ βασιλείᾳ μήτε κρείττονα μήτε ἴσον σεαυτῷ, μηδὲ ὅλωσ ἄνδρα ἐν ἐλευθέροισ ἤθεσι τραφέντα καὶ φρόνημα μεῖζον ἢ κατ’ ἰδιώτην ἔχοντα. οὔτε γὰρ ἀσφαλὴσ βασιλεῖ σύνοικοσ ἀνὴρ μεγαλόφρων οὔτε ἡδύσ.

ἀλλὰ περὶ μὲν τῶν ἰδίων συμφερόντων, ἅ σοι πρακτέον ἐστίν, αὐτὸσ διαγνώσῃ, περὶ δὲ τῶν αἰχμαλώτων ἐπιεικέσ τι βουλευσάμενοσ ἄφεσ ἡμᾶσ ἀπιέναι. ὡσ δὲ ἐπαύσατο λέγων, ἀγασθεὶσ αὐτοῦ τὴν εὐγένειαν τῆσ ψυχῆσ ὁ βασιλεὺσ τῆσ δεξιᾶσ λαμβάνεται καί φησιν·

οὐκέτι θαυμάζειν ἐπέρχεταί μοι, διὰ τί περιβόητοσ ἡ πόλισ ὑμῶν ἐστι καὶ τοσοῦτον ἡγεμονίασ περιβέβληται μέγεθοσ, τοιούτων ἀνδρῶν οὖσα τροφόσ· καὶ μάλιστα μὲν οὖν ἐβουλόμην ἂν ἐξ ἀρχῆσ μηδεμίαν συμβῆναί μοι πρὸσ ὑμᾶσ διαφοράν, ἐπεὶ δὲ συνέβη, καὶ θεῶν τισ ἐβούλετο πειραθέντασ ἡμᾶσ τῆσ ἀλλήλων δυνάμεωσ καὶ ἀρετῆσ τότε συναγαγεῖν, ἕτοιμόσ εἰμι διαλύεσθαι, καὶ ἵνα πρῶτοσ ἄρξω τῶν φιλανθρώπων, ἐφ’ ἃ παρακαλεῖτέ με, χαρίζομαι τῇ πόλει τοὺσ αἰχμαλώτουσ ἅπαντασ ἄνευ λύτρων. Λιβύην χειρωσάμενοσ μέχρι καὶ τῶν προσωκεανίων ἐθνῶν. στεπη. βψζ. σ. ϝ. Ὠκεανόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 19, chapter 18

(디오니시오스, Antiquitates Romanae, Books X-XX, book 19, chapter 18)

상위

목록

SEARCH

MENU NAVIGATION