헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 19, chapter 17)

ἐπέμψαμέν σε, ὦ Φαβρίκιε, πρεσβευτὴν σὺν ἑτέροισ δυσὶν ὑπατικοῖσ ἀνδράσι πρὸσ βασιλέα Πύρρον ὑπὲρ αἰχμαλώτων λύσεωσ διαλεξόμενον· ἥκεισ ἀπὸ τῆσ πρεσβείασ τοὺσ μὲν αἰχμαλώτουσ οὐκ ἄγων οὐδὲ ἄλλο τῇ πόλει φέρων ἀγαθὸν οὐθέν, αὐτὸσ δὲ βασιλικὰσ δωρεὰσ εἰληφὼσ μόνοσ τῶν συναποσταλέντων σοι πρέσβεων, καὶ ἣν ὁ δῆμοσ ἀπεψηφίσατο ποιήσασθαι εἰρήνην, ταύτην ποιήσασ μόνοσ, ἐπ’ οὐθενὶ τῆσ πόλεωσ ἀγαθῷ· πόθεν γάρ;

ἀλλ’ ἵνα προδῷσ αὐτὴν τῷ βασιλεῖ, καὶ διὰ σοῦ μὲν ἐκεῖνοσ ἅπασαν Ἰταλίαν ὑφ’ αὑτῷ ποιήσηται, δι’ ἐκείνου δὲ σὺ τῆσ πατρίδοσ ἀφέλῃ τὴν ἐλευθερίαν. τοῦτο γάρ ἐστιν, ὃ διώκουσιν ἅπαντεσ οἱ μὴ τὴν ἀληθινήν, ἀλλὰ τὴν προσποιητὸν ἐπιτηδεύσαντεσ ἀρετήν, ὅταν εἰσ ὄγκον καὶ μέγεθοσ πραγμάτων προέλθωσιν. εἰ δὲ δὴ μὴ τὸ πρεσβύτερον ἔχων ἀξίωμα, μηδὲ παρὰ τῶν πολεμίων τῆσ πατρίδοσ, μηδ’ ἐπὶ προδοσίᾳ καὶ τυραννίδι τῶν σεαυτοῦ πολιτῶν ἐδωροδόκεισ, ἀλλ’ ἰδιώτησ ὢν καὶ παρ’ ἀνδρὸσ συμμάχου καὶ ἐπ’ οὐδενὶ κακῷ τῆσ πόλεωσ, ἆρ’ οὐ δι’ ἐκεῖνα τῆσ μεγάλησ ἄξιοσ εἶ ζημίασ, ὅτι διαφθείρεισ μὲν τοὺσ νέουσ πλούτου καὶ τρυφῆσ καὶ πολυτελείασ βασιλικῆσ ζῆλον εἰσ τοὺσ βίουσ εἰσάγων, οἷσ πολλῆσ δεῖ σωφροσύνησ, εἰ μέλλει σωθήσεσθαι τὰ κοινά·

παραλαβὼν ἐλάττονα ἢ κατὰ σεαυτὸν ἡγήσω·

διαφθείρεισ δὲ τὴν ἐκ τῶν προτέρων ἐπιτηδευμάτων γενομένην σοι δόξαν, ὡσ ἐγκρατὴσ καὶ σώφρων καὶ πάσησ αἰσχρᾶσ ἐπιθυμίασ κρείττων;

ἔπειτα χαιρήσεισ κακὸσ ἐξ ἀγαθοῦ γενόμενοσ, ὅτ’ ἔδει σε, καὶ εἰ πρότερον πονηρὸσ ἦσθα, πεπαῦσθαι; ἢ τῶν καλῶν τινοσ ἔτι μεθέξεισ τῶν ὀφειλομένων τοῖσ ἀγαθοῖσ, ἀλλ’ οὐκ ἄπει μάλιστα μὲν ἐκ τῆσ πόλεωσ, εἰ δὲ μή γ’ ἐκ τῆσ ἀγορᾶσ;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 19, chapter 17

(디오니시오스, Antiquitates Romanae, Books X-XX, book 19, chapter 17)

상위

목록

SEARCH

MENU NAVIGATION