헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 19, chapter 16)

νὴ Δί’, ἀλλ’ οὐ περίεστί μοι τοῖσ πλησίον ἐπαρκεῖν, οὐδ’ ἐκ περιουσίασ ἐπιστήμην ἔδωκέ μοι ὁ θεὸσ ἔχειν οὐδὲ μαντικήν, αἷσ ὠφέλουν ἂν τοὺσ δεομένουσ, οὐδ’ ἄλλα πολλά· ἃ δ’ ἐστὶν ἐν ἐμοί, τούτων μεταδιδοὺσ καὶ πόλει καὶ φίλοισ, καὶ ἀφ’ ὧν δύναμαι ποιεῖν εὖ τινασ, ταῦτα κοινὰ τοῖσ δεομένοισ παρέχων, οὐκ ἂν ἡγησαίμην αἴτιον ἐμαυτόν.

χρημάτων αἰτεῖσ πρίασθαι.

εἰ δὲ δὴ καὶ τὰ μάλιστα διὰ τὰσ εὐεργεσίασ τῶν δεομένων τὸ πολλὰ κεκτῆσθαι χρήματα μεγάλησ ἦν σπουδῆσ καὶ φιλοτιμίασ ἄξιον, καὶ μακαριωτάτουσ ὑπῆρχεν εἶναι τοὺσ πλουσιωτάτουσ, ὡσ τοῖσ βασιλεῦσιν ὑμῖν δοκεῖ, πότεροσ ἦν μοι τρόποσ εὐπορίασ κρείττων;

ἀφ’ ὧν σύ μοι νῦν μεταδίδωσ αἰσχρῶσ ἢ ἀφ’ ὧν αὐτὸσ ἐκτησάμην καλῶσ πρότερον;

μετὰ τὸν θρίαμβον εἰσ τὸ ταμιεῖον εἰσήνεγκα.

ἔπειτ’ ἐκείνων τῶν δορικτήτων ἐξόν μοι λαβεῖν ὁπόσ’ ἂν ἐβουλόμην οὐ λαβών, ἀλλὰ καὶ τὸν ἐκ τοῦ δικαίου πλοῦτον ὑπεριδὼν ἕνεκα δόξησ, ὡσ Οὐαλέριοσ Ποπλικόλασ ἐποίησε καὶ ἄλλοι πλεῖστοι πρὸσ τούτῳ συχνοί, δι’ οὓσ ἡ πόλισ ἡμῶν τηλικαύτη γέγονε, τὰσ παρὰ σοῦ δέξομαι δωρεὰσ καὶ ἀντὶ τῆσ κρείττονοσ εὐπορίασ ἀλλάξομαι τὴν χείρονα;

ἐκείνῃ μέν γε τῇ κτήσει καὶ τὸ μεθ’ ἡδονῆσ ποιεῖσθαι τὰσ ἀπολαύσεισ πρὸσ τῷ καλῶσ καὶ δικαίωσ προσῆν·

ταύτησ δὲ καὶ τοῦτ’ ἄπεστι. δανείσματα γάρ ἐστιν, ὅσα προσλαμβάνουσιν ἄνθρωποι παρ’ ἑτέρων, βαρύνοντα τὴν ψυχὴν ἑώσ ἂν ἀποδοθῇ, κἂν ὀνόμασι καλοῖσ αὐτὰ κοσμήσῃ τισ, φιλανθρωπίασ καλῶν καὶ δωρεὰσ ἢ χάριτασ. φέρε, ἐὰν δὴ μανεὶσ δέξωμαι χρυσόν, ὃν δίδωσ μοι, καὶ τοῦθ’ ἅπασι Ῥωμαίοισ γένηται φανερόν, ἔπειθ’ οἱ τὴν ἀνυπεύθυνον ἔχοντεσ ἀρχήν, οὓσ ἡμεῖσ τιμητὰσ καλοῦμεν, οἷσ ἀποδέδοται τοὺσ ἁπάντων Ῥωμαίων ἐξετάζειν βίουσ καὶ τοὺσ ἐκβαίνοντασ ἐκ τῶν πατρίων ἐθῶν ζημιοῦν, καλέσαντέσ με λόγον ἀποδοῦναι κελεύσωσι τῆσ δωροδοκίασ, ἁπάντων παρόντων ταῦτα προφερόμενοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 19, chapter 16

(디오니시오스, Antiquitates Romanae, Books X-XX, book 19, chapter 16)

상위

목록

SEARCH

MENU NAVIGATION