Dionysius of Halicarnassus, Antiquitates Romanae, Books X-XX, book 19, chapter 16

(디오니시오스, Antiquitates Romanae, Books X-XX, book 19, chapter 16)

νὴ Δί’, ἀλλ’ οὐ περίεστί μοι τοῖσ πλησίον ἐπαρκεῖν, οὐδ’ ἐκ περιουσίασ ἐπιστήμην ἔδωκέ μοι ὁ θεὸσ ἔχειν οὐδὲ μαντικήν, αἷσ ὠφέλουν ἂν τοὺσ δεομένουσ, οὐδ’ ἄλλα πολλά· ἃ δ’ ἐστὶν ἐν ἐμοί, τούτων μεταδιδοὺσ καὶ πόλει καὶ φίλοισ, καὶ ἀφ’ ὧν δύναμαι ποιεῖν εὖ τινασ, ταῦτα κοινὰ τοῖσ δεομένοισ παρέχων, οὐκ ἂν ἡγησαίμην αἴτιον ἐμαυτόν.

χρημάτων αἰτεῖσ πρίασθαι.

εἰ δὲ δὴ καὶ τὰ μάλιστα διὰ τὰσ εὐεργεσίασ τῶν δεομένων τὸ πολλὰ κεκτῆσθαι χρήματα μεγάλησ ἦν σπουδῆσ καὶ φιλοτιμίασ ἄξιον, καὶ μακαριωτάτουσ ὑπῆρχεν εἶναι τοὺσ πλουσιωτάτουσ, ὡσ τοῖσ βασιλεῦσιν ὑμῖν δοκεῖ, πότεροσ ἦν μοι τρόποσ εὐπορίασ κρείττων;

ἀφ’ ὧν σύ μοι νῦν μεταδίδωσ αἰσχρῶσ ἢ ἀφ’ ὧν αὐτὸσ ἐκτησάμην καλῶσ πρότερον;

μετὰ τὸν θρίαμβον εἰσ τὸ ταμιεῖον εἰσήνεγκα.

ἔπειτ’ ἐκείνων τῶν δορικτήτων ἐξόν μοι λαβεῖν ὁπόσ’ ἂν ἐβουλόμην οὐ λαβών, ἀλλὰ καὶ τὸν ἐκ τοῦ δικαίου πλοῦτον ὑπεριδὼν ἕνεκα δόξησ, ὡσ Οὐαλέριοσ Ποπλικόλασ ἐποίησε καὶ ἄλλοι πλεῖστοι πρὸσ τούτῳ συχνοί, δι’ οὓσ ἡ πόλισ ἡμῶν τηλικαύτη γέγονε, τὰσ παρὰ σοῦ δέξομαι δωρεὰσ καὶ ἀντὶ τῆσ κρείττονοσ εὐπορίασ ἀλλάξομαι τὴν χείρονα;

ἐκείνῃ μέν γε τῇ κτήσει καὶ τὸ μεθ’ ἡδονῆσ ποιεῖσθαι τὰσ ἀπολαύσεισ πρὸσ τῷ καλῶσ καὶ δικαίωσ προσῆν·

ταύτησ δὲ καὶ τοῦτ’ ἄπεστι. δανείσματα γάρ ἐστιν, ὅσα προσλαμβάνουσιν ἄνθρωποι παρ’ ἑτέρων, βαρύνοντα τὴν ψυχὴν ἑώσ ἂν ἀποδοθῇ, κἂν ὀνόμασι καλοῖσ αὐτὰ κοσμήσῃ τισ, φιλανθρωπίασ καλῶν καὶ δωρεὰσ ἢ χάριτασ. φέρε, ἐὰν δὴ μανεὶσ δέξωμαι χρυσόν, ὃν δίδωσ μοι, καὶ τοῦθ’ ἅπασι Ῥωμαίοισ γένηται φανερόν, ἔπειθ’ οἱ τὴν ἀνυπεύθυνον ἔχοντεσ ἀρχήν, οὓσ ἡμεῖσ τιμητὰσ καλοῦμεν, οἷσ ἀποδέδοται τοὺσ ἁπάντων Ῥωμαίων ἐξετάζειν βίουσ καὶ τοὺσ ἐκβαίνοντασ ἐκ τῶν πατρίων ἐθῶν ζημιοῦν, καλέσαντέσ με λόγον ἀποδοῦναι κελεύσωσι τῆσ δωροδοκίασ, ἁπάντων παρόντων ταῦτα προφερόμενοι.

SEARCH

MENU NAVIGATION