헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 19, chapter 14)

ταῦτα μὲν τῶν τριῶν πρεσβευτῶν παρόντων ἔλεξεν, ἰδίᾳ δὲ τὸν Φαβρίκιον ἀπολαβών· ἐγὼ σέ, φησίν, ὦ Φαβρίκιε, πυνθάνομαι κράτιστον ἐν ἡγεμονίαισ πολέμων εἶναι κἀν τῷ βίῳ δίκαιον καὶ σώφρονα καὶ τὰσ ἄλλασ ἁπάσασ ἔχοντα ἀρετάσ, χρημάτων δ’ ἄπορον καὶ καθ’ ἓν τὸ μέροσ τοῦτο ἐλασσούμενον ὑπὸ τῆσ τύχησ, ὥστε μηδὲν ἄμεινον τῶν πενεστάτων βουλευτῶν ἐν τοῖσ κατὰ τὸν βίον διατελεῖν. τοῦτο δὴ τὸ μέροσ ἐκπληρῶσαι προθυμούμενοσ ἕτοιμόσ εἰμι διδόναι σοὶ πλῆθοσ ἀργυρίου καὶ χρυσίου τοσοῦτον, ὅσον κτησάμενοσ ἅπαντασ ὑπερβαλεῖσ πλούτῳ τοὺσ μάλιστα δοκοῦντασ Ῥωμαίων εὐπορεῖν·

ἀναξίωσ τῆσ ἀρετῆσ διὰ πενίαν πράττοντασ εὐεργετεῖν καὶ βασιλικοῦ πλούτου τοῦτ’ ἀνάθημα καὶ κατασκεύασμα λαμπρότατον.

μαθὼν δὲ τὴν ἐμὴν προαίρεσιν, Φαβρίκιε, καὶ πᾶσαν ἀποθέμενοσ αἰδῶ μέτεχε τῶν παρ’ ἡμῖν ὑπαρχόντων ἀγαθῶν, ὡσ ἐμοῦ μέλλοντοσ εἴσεσθαι καὶ μεγάλην σοι χάριν, καὶ μὰ Δί’ οὐκ ἐλάττω .

. . καὶ ξένων τοὺσ τιμιωτάτουσ εἶναι νόμιζε. ἐμοὶ δ’ ἀντὶ τούτων μήτ’ ἄδικον μήτ’ αἰσχρὰν πρᾶξιν ὑπηρετήσῃσ μηδεμίαν, ἀλλ’ ἐξ ὧν αὐτὸσ κρείττων ἔσῃ καὶ τιμιώτεροσ ἐν τῇ σεαυτοῦ πατρίδι. κακῷ τῆσ πόλεωσ ὑμῶν ἀφῖγμαι Ταραντίνοισ καὶ τοῖσ ἄλλοισ Ἰταλιώταισ ὑποσχόμενοσ βοηθήσειν, οὓσ οὔτε ὅσιον οὔτ’ εὔσχημόν ἐστί μοι παρόντι μετὰ δυνάμεωσ καὶ τὴν πρώτην νενικηκότι μάχην ἐγκαταλιπεῖν.

καὶ πάνυ πολλὰ καὶ ἀναγκαῖα πράγματα κατὰ τοῦτον γενόμενα τὸν καιρὸν ἐπὶ τὴν ἰδίαν με ἀρχὴν μετακαλεῖ. ποιήσαιντο φίλοι, ἵνα θαρρῶν πρὸσ τοὺσ σεαυτοῦ πολίτασ λέγῃσ, εἰ δή τισι τὸ τῆσ βασιλείασ ὄνομα ὕποπτόν ἐστιν ὡσ ἀπατηλὸν ἐν ὁμολογίαισ, ἐξ ὧν ἕτεροί τινεσ ἐν ὁρ́κοισ καὶ σπονδαῖσ παρανομεῖν ἔδοξαν ὅμοια καὶ περὶ ἐμοῦ τεκμαιρομένοισ.

γενομένησ δὲ τῆσ εἰρήνησ ἴθι μετ’ ἐμοῦ σύμβουλόσ τε ἁπάντων ἐσόμενοσ ἐμοὶ καὶ ὑποστράτηγοσ καὶ τῆσ βασιλικῆσ εὐτυχίασ μέτοχοσ.

ἐμοί τε γὰρ ἀνδρὸσ ἀγαθοῦ καὶ πιστοῦ φίλου δεῖ, σοί τε χορηγίασ βασιλικῆσ καὶ πραγμάτων βασιλικῶν· ἐὰν δὴ συνενέγκωμεν ταῦτ’ εἰσ τὸ κοινόν, τὰ μέγιστα τῶν ἀγαθῶν παρ’ ἀλλήλων ἀποισόμεθα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 19, chapter 14

(디오니시오스, Antiquitates Romanae, Books X-XX, book 19, chapter 14)

상위

목록

SEARCH

MENU NAVIGATION