Dionysius of Halicarnassus, Antiquitates Romanae, Books X-XX, book 19, chapter 13

(디오니시오스, Antiquitates Romanae, Books X-XX, book 19, chapter 13)

ὄντασ, πολεμῶν ἅπαντασ ἡβηδὸν κατέσφαξεν. οὗτοι πρὸσ Πύρρον ἀφικόμενοι καὶ διαλεχθέντεσ, ὅσα τῇ τοιαύτῃ χρείᾳ πρόσφορα ἦν, ὡσ ἀτέκμαρτον πρᾶγμα τύχη καὶ ταχεῖαι τῶν πολέμων αἱ τροπαὶ καὶ τῶν συμβησομένων οὐδὲν ἀνθρώποισ προειδέναι ῥᾴδιον, ἐπ’ ἐκείνῳ τὴν προαίρεσιν ἐποίουν, εἴτ’ ἀργύριον ἀντὶ τῶν αἰχμαλώτων ἐβούλετο λαβεῖν εἴτε ἑτέρουσ αἰχμαλώτουσ.

Πύρροσ δὲ μετὰ τῶν φίλων βουλευσάμενοσ ἀποκρίνεται τάδε αὐτοῖσ·

σχέτλιόν τι πρᾶγμα ποιεῖτε, ὦ ἄνδρεσ Ῥωμαῖοι, φιλίαν μὲν οὐ βουλόμενοι συνάψαι πρὸσ ἐμέ, τοὺσ δὲ ἁλόντασ κατὰ πόλεμον ἀξιοῦντεσ ἀπολαβεῖν, ἵνα τοῖσ αὐτοῖσ τούτοισ σώμασιν εἰσ τὸν κατ’ ἐμοῦ πόλεμον ἔχητε χρῆσθαι. ἀλλ’ εἰ τὰ κράτιστα βουλεύεσθε πράττειν καὶ τὸ κοινῇ συμφέρον ἀμφοτέροισ ἡμῖν σκοπεῖτε, σπεισάμενοι τὸν πόλεμον τὸν πρὸσ ἐμὲ καὶ τοὺσ ἐμοὺσ συμμάχουσ ἀπολάβετε τοὺσ ἰδίουσ προῖκα παρ’ ἐμοῦ πολίτασ τε καὶ συμμάχουσ ἅπαντασ·

ἄλλωσ δ’ οὐκ ἂν ὑπομείναιμι πολλοὺσ καὶ ἀγαθοὺσ ὑμῖν προέσθαι.

SEARCH

MENU NAVIGATION