헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 19, chapter 12)

ἀνήρ τισ Ὀβλάκοσ ὄνομα, Οὐλσίνιοσ ἐπίκλησιν, τοῦ Φερεντανῶν ἔθνουσ ἡγεμών, ὁρῶν τὸν Πύρρον οὐ μίαν ἔχοντα στάσιν, ἀλλὰ πᾶσι τοῖσ μαχομένοισ ὀξέωσ ἐπιφαινόμενον, προσεῖχεν ἐκείνῳ μόνῳ τὸν νοῦν, καὶ ὅποι παριππεύοι τὸν ἴδιον ἀντιπαρῆγεν ἵππον· καί τισ ἰδὼν αὐτὸν τῶν μετὰ τοῦ βασιλέωσ, Λεοννᾶτοσ Λεοφάντου Μακεδών, ὑποπτεύει τε καὶ δείξασ τῷ Πύρρῳ λέγει·

τοῦτον τὸν ἄνδρα φυλάττου, βασιλεῦ· σοὶ τὸν νοῦν.

τοῦ δὲ βασιλέωσ λέγοντοσ·

τί δ’ ἄν με δράσειεν εἷσ ὢν τοσούτουσ ἔχοντα περὶ ἐμαυτόν; καί τι καὶ νεανιευομένου περὶ τῆσ ἑαυτοῦ ῥώμησ, ὡσ εἰ καὶ συνέλθοι πρὸσ ἕνα μόνοσ οὐκ ἄπεισιν ὀπίσω χαίρων, λαβὼν ὃν ἀνέμενε καιρὸν ὁ Φερεντανὸσ Ὀβλάκοσ ἐλαύνει σὺν τοῖσ περὶ αὐτὸν εἰσ μέσην τὴν βασιλικὴν ἴλην· διακόψασ δὲ τὸ στίφοσ τῶν πέριξ ἱππέων ἐπ’ αὐτὸν ἐφέρετο τὸν βασιλέα, διαλαβὼν ἀμφοτέραισ ταῖσ χερσὶ τὸ δόρυ· κατὰ τὸν αὐτὸν δὲ χρόνον ὁ μὲν Λεοννᾶτοσ, ὁ προειπὼν τῷ Πύρρῳ φυλάττεσθαι τὸν ἄνδρα, μικρὸν ἐκνεύσασ εἰσ τὰ πλάγια τὸν ἵππον αὐτοῦ παίει τῷ ξυστῷ διὰ τῆσ λαγόνοσ, ὁ δὲ Φερεντανὸσ ἤδη καταφερόμενοσ τὸν τοῦ βασιλέωσ διὰ τοῦ στήθουσ ἐλαύνει, καὶ συγκαταπίπτουσι τοῖσ ἵπποισ ἀμφότεροι.

τὸν μὲν οὖν βασιλέα τῶν σωματοφυλάκων ὁ πιστότατοσ ἐπὶ τὸν ἴδιον ἵππον ἀναβιβάσασ ἐξελαύνει, τὸν δὲ Ὀβλάκον μέχρι πολλοῦ διαγωνισάμενον, ἔπειτα ὑπὸ πλήθουσ τῶν τραυμάτων καταπονηθέντα, τῶν ἑταίρων τινὲσ ἀράμενοι μεγάλου περὶ τὸν νεκρὸν ἀγῶνοσ γενομένου διακομίζουσιν.

ἐκ τότε δὲ ὁ βασιλεύσ, ἵνα μὴ διάσημοσ εἰή τοῖσ πολεμίοισ, τὴν μὲν ἰδίαν χλαμύδα, ἣν ἐν ταῖσ μάχαισ εἰώθει φορεῖν, ἁλουργῆ τε οὖσαν καὶ χρυσόπαστον, καὶ τὸν ὁπλισμὸν πολυτελέστερον ὄντα τῶν ἄλλων τῆσ τε ὕλησ ἕνεκα καὶ τῆσ τέχνησ, τὸν πιστότατον τῶν ἑταίρων καὶ κατὰ τοὺσ ἀγῶνασ ἀνδρειότατον Μεγακλῆν ἐκέλευσεν ἐνδῦναι, τὴν δὲ φαιὰν ἐκείνου χλαμύδα καὶ τὸν θώρακα καὶ τὴν ἐπὶ τῇ κεφαλῇ καυσίαν αὐτὸσ ἔλαβεν·

ὅπερ αἴτιον αὐτῷ τῆσ σωτηρίασ ἔδοξε γενέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 19, chapter 12

(디오니시오스, Antiquitates Romanae, Books X-XX, book 19, chapter 12)

상위

목록

SEARCH

MENU NAVIGATION