헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 17-18, chapter 5)

ὅτι ὁ αὐτὸσ Ποστόμιοσ πρῶτον μὲν τὸ Κομίνιον ἐκ πολιορκίασ παραλαμβάνει χρόνον οὐ πολὺν ἐν ταῖσ προσβολαῖσ διατρίψασ, ἔπειτα Οὐενουσίαν πολυάνθρωπον καὶ ἄλλασ πόλεισ πλείστασ ὅσασ, ἐξ ὧν μύριοι μὲν ἐσφάγησαν, ἑξακισχίλιοι δὲ καὶ διακόσιοι τὰ ὅπλα παρέδοσαν. ταῦτα διαπραξάμενοσ οὐχ ὅπωσ χάριτοσ ἢ τιμῆσ τινοσ ἠξιώθη παρὰ τῆσ βουλῆσ, ἀλλὰ καὶ τὴν προυπάρχουσαν ἀξίωσιν ἀπέβαλεν.

ἀποστελλομένων γὰρ εἰσ μίαν τῶν ἁλουσῶν ὑπ’ ἐκείνου πόλεων, τὴν καλουμένην Οὐενουσίαν, δισμυρίων ἐποίκων ἕτεροι τῆσ ἀποικίασ ᾑρέθησαν ἡγεμόνεσ· ὁ δὲ τὴν πόλιν ἐξελὼν καὶ τὴν γνώμην τῆσ ἀποστολῆσ τῶν κληρούχων εἰσηγησάμενοσ οὐδὲ ταύτησ ἄξιοσ ἐφάνη τῆσ τιμῆσ. εἰ μὲν οὖν σώφρονι λογισμῷ τὰ συμβάντα ἤνεγκε καὶ τὸ χαλεπὸν τοῦ συνεδρίου λόγων τε καὶ ἔργων χρηστῶν θεραπείαισ ἐπράυνεν, οὐδεμιᾶσ ἂν ἔτι συμφορᾶσ εἰσ ἀτιμίαν φερούσησ ἐπειράθη.

ἁπάσασ τοῖσ στρατιώταισ ἐχαρίσατο, καὶ πρὶν ἀποσταλῆναι τὸν διάδοχον τῆσ ἀρχῆσ ἀπέλυσεν ἀπὸ τῶν σημείων τὰσ δυνάμεισ, καὶ τελευτῶν ὃν οὔτε ἡ βουλὴ οὔτε ὁ δῆμοσ συνεχώρησεν αὐτῷ θρίαμβον ἀπὸ τῆσ ἑαυτοῦ γνώμησ κατήγαγεν.

ἐφ’ οἷσ ἅπασιν ἔτι μείζονοσ ἐξ ἁπάντων μίσουσ ἐκκαυθέντοσ ἅμα τῷ παραδοῦναι τὴν ἀρχὴν τοῖσ μεθ’ ἑαυτὸν ὑπάτοισ εἰσ δίκην ὑπάγεται δημοσίαν ὑπὸ δυεῖν δημάρχων.

καὶ κατηγορηθεὶσ ἐν τῷ δήμῳ πάσαισ ταῖσ φυλαῖσ κατακρίνεται, τίμημα τῆσ εἰσαγγελίασ ἐχούσησ χρηματικὸν πέντε μυριάδασ ἀργυρίου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 17-18, chapter 5

(디오니시오스, Antiquitates Romanae, Books X-XX, book 17-18, chapter 5)

상위

목록

SEARCH

MENU NAVIGATION