헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 14, chapter 11)

ἐν Ῥώμῃ πολλὰ μὲν καὶ ἄλλα σημεῖα θεόπεμπτα γέγονε, μέγιστον δ’ ἁπάντων τόδε· τῆσ ἀγορᾶσ κατὰ τὸ μέσον μάλιστα διαρραγῆναι τι τῆσ γῆσ εἰσ βάθοσ ἄβυσσον καὶ τοῦτ’ ἐπὶ πολλὰσ ἡμέρασ διαμεῖναι. ψηφισαμένησ δὲ τῆσ βουλῆσ οἱ ἐπὶ τῶν Σιβυλλείων χρησμῶν ἐπισκεψάμενοι τὰ βιβλία εἶπον, ὅτι τὰ πλείστου ἄξια τῷ Ῥωμαίων δήμῳ λαβοῦσα ἡ γῆ συνελεύσεταί τε καὶ πολλὴν ἀφθονίαν εἰσ τὸν λοιπὸν χρόνον ἁπάντων ἀγαθῶν ἀνήσει. τοιαῦτα τῶν ἀνδρῶν ἀποφηναμένων ἀπαρχὰσ ἕκαστοσ εἰσ τὸ χάσμα ἔφερεν, ὧν ᾤετο δεῖν ἀγαθῶν τῇ πατρίδι, ἀπό τε καρπῶν πελάνουσ καὶ ἀπὸ χρημάτων ἀπαρχάσ.

Μάρκοσ δέ τισ Κούρτιοσ ἐν τοῖσ πρώτοισ τῶν νέων ἀριθμούμενοσ σωφροσύνησ ἕνεκα καὶ τῆσ κατὰ πολέμουσ ἀρετῆσ ἔφοδον αἰτησάμενοσ ἐπὶ τὴν βουλὴν εἶπεν, ὅτι τῶν πάντων ἐστὶν ἀγαθῶν χρῆμα κάλλιστον καὶ πόλει Ῥωμαίων ἀναγκαιότατον ἀνδρῶν ἀρετή·

εἰ δὴ καὶ ταύτησ ἀπαρχήν τινα ἡ γῆ λάβοι καὶ γένοιτο ἑκὼν ὁ τοῦτο χαριούμενοσ τῇ πατρίδι, πολλοὺσ ἀνήσει ἡ γῆ ἄνδρασ ἀγαθούσ. ταῦτ’ εἰπὼν καὶ μηδενὶ παραχωρήσειν ἑτέρῳ τῆσ φιλοτιμίασ ταύτησ ὑποσχόμενοσ τά τε ὅπλα περιέθετο καὶ ἐπὶ τὸν πολεμιστὴν ἵππον ἀνέβη· συναχθέντοσ δ’ ἐπὶ τὴν θέαν τοῦ κατὰ τὴν πόλιν ὄχλου πρῶτον μὲν ηὔξατο τοῖσ θεοῖσ ἐπιτελῆ ποιῆσαι τὰ μαντεύματα καὶ πολλοὺσ ἄνδρασ ὁμοίουσ αὐτῷ δοῦναι τῇ πόλει τῇ Ῥωμαίων γενέσθαι·

ἔπειτ’ ἐφεὶσ τῷ ἵππῳ τὰσ ἡνίασ καὶ τὰ κέντρα προσβαλὼν ἔρριψε κατὰ τοῦ χάσματοσ ἑαυτόν. ἐπὶ δὲ αὐτῷ πολλὰ μὲν ἱερεῖα, πολλοὶ δὲ καρποί, πολλὰ δὲ χρήματα, πολὺσ δὲ κόσμοσ ἐσθῆτοσ, πολλαὶ δὲ ἀπαρχαὶ συμπασῶν τεχνῶν δημοσίᾳ κατὰ τοῦ χάσματοσ ἐρρίφησαν· καὶ αὐτίκα ἡ γῆ συνῆλθεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 14, chapter 11

(디오니시오스, Antiquitates Romanae, Books X-XX, book 14, chapter 11)

상위

목록

SEARCH

MENU NAVIGATION